AMOS 8:3 - BIBEL JAMITA NA DENGGAN

³ Gabe partangisan noma angka ende-ende na di bagas godang anggo di ari i. Marragean angka bangke sap ro di dia, angka na diambungkon sip-sip.”

AMOS 8:3 ပူးပေါင်းရင်းမြစ်များ

MASMUR 39:9

Hohom noma au, nada be dokkononku bagi aha, angke Ho na mambahen sitaononki.

JESAYA 37:36

Laing di borngin i, ro ma Surusuruan ni Tuhan tu parundung-undungan ni halak Asur i jana dibunu ma 185.000 halak parajuritna. Ancogotna i manyogot-nyogot, marampar ma angka bangkena i.

JEREMIA 22:18

Hara ni i, taringot tu si Joyakim raja ni Juda anak ni si Josia, didok Tuhan songon on, “Nada tangisan ni halak hamamatenia, nada adong na mandok, ‘Iale, dongan iale.’ Nada adong na marhabot ni roha sanga na pio-pio, ‘Ibo roha mida raja i atehe!’

ANDUNG 2:10

Marjuguhan hatobangon ni kota Sion markutondo di tano; marsisampakkon abuan tu ginjang ni ulu, jana mamake abit goni tanda ni marsakna. Angka nauli bulung pe paunduk ulu lalu tu tano.

JOEL 1:11

Angka partani gabe maila parkobun anggur pe tama tangis! Angke mangabis gandum dohot eme darat taru hais, jana parbatu sibuaton pe madung dangis.

JOEL 1:13

Hamu ale angka malim na markobasi di langgatan, pake hamu ma abit goni anso martangisan. Masuk ma tu Bagas Ni Tuhan marbornginma laho mangandung disi, angke nada adong be haul anggur dohot gandum.

JOEL 1:5

Ngot ma, o angka parmabuk jana tangis ma hamu! Tangis ma hamu ale angka parminum anggur na baru, angke madung dirampas anggur i sian pamanganmunu!

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

AMOS 4:10

Hutongos tu hamu nyae masa songon na hutongos tu Mesir. Humatehon angka doli-dolimunu di bagasan parporangan, jana hurampas angka kudomu. Hugohi inganan ni bandarmunu dohot bangke na manyusuk bauna tu igung. Haru songon i pe, laing nada mulak hamu tu Au.

AMOS 5:16

Didok Tuhan, Debata Na Markuaso i ma, “Di angka dalan ni kota, mangandungi ma halak jana humolos hara ni arsakna. Salang partani pe piohononna anso dohot tangis rap dohot halak na diupai laho mangandungi jolma na mate.

AMOS 5:23

Antak hamu ma ende-endemunu na pagaor-gaorkon i; nada giot Au patangi-tangi hasapimunu i.

AMOS 6:4

Marjaya ma hamu na modom di podoman na jeges-jeges jana na marpesta mardongan juhut ni lombu dohot biri-biri jara-jara!

AMOS 6:5

Giotmunu ma nian mangkarang-karang ende, songon na nibaen ni si Daud, jana diendehon hamu ma ende i dohot hasapi.

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

AMOS 8:10

PaubaonKu ma angka ari pestamunu gabe siluluton, jana angka ende-endemunu gabe andung. BaenonKu ma hamu marcukur obuk dohot mamake abit goni tanda ni arsak. Gabe songon na tobang-tobang na manangisi parmate ni anakna sisada-sada ma hamu. Marujung ma ari i di bagasan arsak na lobi godang.

NAHUM 3:3

Ro ma parangan na markudo manyaroso, marjilam-jilam angka podangna jana marlinang-linang. Nada taretong bahat ni jolma na mate, marsidondonan angka bangke, mambaen jolma tartuktuk be.

ZEPANYA 1:7

Mian ma hamu di jolo ni Tuhan Debata! Angke madung donok ari ni Tuhan. Tutu madung dipasingkop Tuhan sihaulkonon i jana madung diparbadiai angka na diontangNia i.