AMOS 8:12 - BIBEL JAMITA NA DENGGAN

¹² Mado-ado ma halak sian Utara tu Selatan dohot sian Habincaran tu Hasundutan anso dapotsa nian tonangKu tapi nada dapot halahi be i.

AMOS 8:12 ပူးပေါင်းရင်းမြစ်များ

PODA 1:28

Anggo di hatiha i, pio-pio ma hamu tu au tapi nada alusanku hamu. Jalahanmunu ma au sun tu dia, tapi nada dapot hamu be au.

PODA 14:6

Dijalahi pangincak do habisuhon tapi nada dapot ia, tapi muda halak na pistar momo do marsiajar.

PODA 29:18

Muda nada adong panogu-noguon ni Tuhan di sada bangso, gaor ma bangso i. Martua ma halak na maniop uhum.

JEHESKIEL 20:3

“Ale jolma parsantongkinan, manghobari ma ho dohot angka pamimpin i jana dok ma bahaso Au Tuhan Debata mandok songon on, ‘Na puluk ma hamu antong mangido panogu-noguon tu Au! Hara ni Au, Debata na mangolu, nada ra Au anggo hamu do mangido panogu-noguon sian Au! Au Tuhan Debata madung mandok songon i.’

JEHESKIEL 20:31

Jana lopus tu sadari on pe dipahodar hamu do dirimunu marhite na maroban pelean dohot na manutungi angka dakdanakmunu baen haul tu angka gana-ganaan i. Antong laing puluk dope he hamu mangido panogu-noguon tu au? Hara ni Au na mangolu, Tuhan Debata, nada Huloas hamu mangido panogu-noguon sian Au.

DANIEL 12:4

Dung i didok surusuruan i muse ma tu au, “Daniel, tutup ma Buku i saonnari jana baen ma segelna anso tongtong tutup Buku i lopus tu hatiha na parpudi. Bahat do halak na giot manangkasi sanga aha na giot tarjadi. Tapi nada adong gunana karejo ni halahi i.”

HOSEA 5:6

Haulkonon ni halahi ma biri-biri dohot lombu ni halahi baen haul di Tuhan, tapi nada marguna sudena i. Angke madung ditadingkon Tuhan halahi, jana nada tarbaen halahi be padumpang dohot ia.

MATEUS 12:30

Na so mandongani Au tontu alongKu. Dung i halak na so dohot palagutkon rap dohot Au, tontu na paserakkon do i!

1 SAMUEL 3:1

Anggo si Samuel na danak i dope, laing dioloi ia do Tuhan di hatiha i di bagasan panogu-noguon ni si Eli. Jarang sajo do di hatiha i adong tona dohot parnidaan sian Tuhan.