AMOS 8:10 - BIBEL JAMITA NA DENGGAN

¹⁰ PaubaonKu ma angka ari pestamunu gabe siluluton, jana angka ende-endemunu gabe andung. BaenonKu ma hamu marcukur obuk dohot mamake abit goni tanda ni arsak. Gabe songon na tobang-tobang na manangisi parmate ni anakna sisada-sada ma hamu. Marujung ma ari i di bagasan arsak na lobi godang.

AMOS 8:10 ပူးပေါင်းရင်းမြစ်များ

PAMUNGKAAN 21:16

juguk muse ma ia hira-hira saratus meter sian inganan i. Didok ia ma di bagasan rohania, “Nada tarpaligi-ligi au anakki mate.” Tangis muse ma ia disi.

JOB 20:23

Dompak hataboanna ia mangan minum, disi ma gurgur muruk ni Debata tusia manguhum.

JOB 3:5

Baen ma ari i mangalomlom, manggolap mambulita, mangarambon jana samon; ombun bope sonja tutupkon tusi, gupgupi muse sian sinondang ni mataniari.

JOB 30:31

Na jolo hubege do musik jop ni roha, hape saonnari hum andung tumatangis sajo noma.

JESAYA 3:24

Gabe muap busuk ma angka na huskus i, tali ma gonti ni bobat, ulu ni halahi na marobuk na jeges i gabe palpalon noma, angka pakean ni halahi na jeges-jeges i pe gontion ma dohot pakean na mardarang-derung; jana tihas ma gonti ni hajegeson i.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

JEREMIA 48:37

Madung dicukur halahi sudena obuk na di ulu ni halahi dohot janggutna, tanganna dihoroti, jana mamake abit goni tanda ni arsakna.

JEREMIA 6:26

Didok Tuhan ma tu bangsoNia, “Pake hamu ma abit goni jana margiling-giling ma hamu di abuan i. Marsiluluton jana mangandungi ma hamu di bagasan pangkilalaan na dangol songon halak na mangandungi anakna sisada-sada na mate, angke ompot noma hamu roroon ni hamamago.”

ANDUNG 5:15

Ma pola mago hatuaannami; muba do tortor gabe siluluton di hami.

JEHESKIEL 7:18

Marabit goni ma halahi jana humitir ma sude pamatangna i. Cukuron ma ulu ni halahi jana pailaon halahi.

JEHESKIEL 7:2

“Ale jolma parsantongkinan, Au Tuhan Debata giot mandok songon on tu tano Israel: On ma ujung ni sude carito ni luat on!”

HOSEA 2:11

AntahonKu sude angka pestana i, pesta siganop taon dohot pesta siganop bulan dohot angka Ari Sabat, pendekna sude ari pesta ni ugamonia.

HOSEA 2:13

UhumanKu ma ia hara ni angka ari-ari na nipakenia manutung dupa tu Baal, jana mangias, mamake barang parhiasannia jana mangkojar angka haholongannia. Dihalupahon ia situtu do Au anggo di angka ari i. Au do Tuhan na mandok songon i.

JOEL 1:8

Tangis ma hamu, songon anak boru na marsak roha na tangis hara ni na matean tunangan haholongan ni rohana.

HAMALIMON 13:40

Muda adong sada halaklahi na palpalon sabola sian pudi sanga sabola sian jolo di uluna, nada ramun halahi hara ni palpalna i.

AMOS 5:21

Didok Tuhan ma, “Goyak do rohangKu jana magigi Au mida angka pesta ni ugamomunu!

AMOS 5:23

Antak hamu ma ende-endemunu na pagaor-gaorkon i; nada giot Au patangi-tangi hasapimunu i.

AMOS 8:3

Gabe partangisan noma angka ende-ende na di bagas godang anggo di ari i. Marragean angka bangke sap ro di dia, angka na diambungkon sip-sip.”

NAHUM 1:10

Angke halahi pe angkon mago songon duri na marsijalin-jalinan, abis matutung songon durame na mahiang.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

PANGARATAION 16:14

Marmoga-moga ma hamu rap dohot angka dakdanakmunu, angka hatobanmunu, halak Levi, halak sileban, dakdanak na so marama dohot angka na mabalu na maringanan di hutamunu.