AMOS 7:9 - BIBEL JAMITA NA DENGGAN

⁹ Sarsarkonon noma angka inganan na nipake ni pomparan ni si Ishak laho marsomba angka debata. Rumpakkonon ma angka inganan paribadatan ni halak Israel. AbiskononKu ma pomparan ni si Jerobeam.”

AMOS 7:9 ပူးပေါင်းရင်းမြစ်များ

PAMUNGKAAN 46:1

Dihobasi si Jakob ma sude sinadongannia lalu kehe ma ia tu Berseba laho pasahatkon haul tu Debata na nisomba ni si Ishak amangnia i.

2 RAJA-RAJA 14:24

Mardosa do ia tu Tuhan, angke diihutkon ia do hajahatan ni Raja Jerobeam I na mambaen halak Israel gabe mardosa.

JESAYA 63:18

Biasi dipadiar Ho musu mandege-dege BagasMu, angka alonami mandege-dege inganan na niparbadiaanMu?

JEREMIA 51:51

Didok hamu do, ‘Dilayasi do hami jana dipaila, nada marbohi hara ni na nijuguhan ni angka halak sileban inganan na badia di bagasan Bagas Ni Tuhan.’

JEHESKIEL 6:3

Jana dohononmu ma: Hamu ale angka dolok ni Israel, tangihon hamu ma tona ni Tuhan Debata! Songon on do hata ni Tuhan Debata tu angka dolok, angka holbung, angka tor, angka rura, “Ligi ma Au parohon tu hamu porang anso mago angka inganan panyombaan ni gana-ganaanmunu.

HOSEA 10:8

Angka bagas pamelean na di angka tor Awen inganan pamelean ni halak Israel, roncohonon noma i. Martubuan ma duhut dohot duri di langgatan ni halahi i. Dung i marsurak ma halahi pio-pio tu angka dolok, “Ondingi ma hami!” dohot tu angka tor, “Dondoni ma hami!”

AMOS 3:14

Di ari i di na manguhum Au tu halak Israel hara ni dosana, sarsarkononKu ma angka langgatan na adong di Betel. Ponggolkonon ma sude ujung ni angka langgatan i, anso dabu sude tu tano.

AMOS 5:5

Ulang hamu kehe tu Berseba laho marsomba. Ulang jalahi hamu Au di Betel, angke na laho mago do Betel. Ulang kehe muse hamu tu Gilgal, angke na giot obanon do halak kota i tu habuangan.”

AMOS 7:11

Harana songon on do didokkon si Amos: Mate noma Raja Jerobeam panganon ni podang, jana obanon ma halak Israel tu habuangan, dao sian tanona sandiri.”

AMOS 7:13

Ulang be pupu marjamita di Betel inganan na badia ni raja do kota on jana inganan paribadatan ni sandok bangso on.”

AMOS 8:14

Angka jolma na marsumpa mangasahon gana-ganaan ni Samaria na mandok, ‘Mangasahon goar ni debata ni bangso Dan’, sanga, ‘Mangasahon debata ni Berseba’ – tinggang noma i jana nada tarsunggul-tarsunggul be.”

AMOS 9:1

Huida ma Tuhan jongjong di lambung ni sada langgatan. Dilehen Ia ma parenta songon on, “Toko ma gogo-gogo angka ulu ni tiang i anso humutur sude emperna i. Rumpakkon angka tiang i tu ginjang ni ulu ni angka jolma i. Angka na so mate disi, Hubunu marhite podang. Sahalak pe nada tarbaen paluahon dirina; sahalak pe nada adong na malua.

MIKA 1:5

Tarjadi pe sudena i hara ni na mardosa jana mangalo do halak Israel tu Debata. Ise dehe na sala umbaen jabat Israel mardosa? Nada he Samaria kota sabunganna sandiri do? Ise dehe na sala umbaen jabat Jerusalem marsomba gana-ganaan? Nada he Jerusalem sambing do?