AMOS 7:8 - BIBEL JAMITA NA DENGGAN

⁸ Disapai Ia ma tu au, “Aha do diida ho, Amos?” Hualusi ma, “Tali sipat do, Tuhan.” Dung i didok Tuhan ma, “Hupake do tali sipat on laho patuduhon na tudos do bangsongKu dohot tembok na so tigor. Nada pauba-ubaonKu be sangkapKu laho manguhum halahi.

AMOS 7:8 ပူးပေါင်းရင်းမြစ်များ

2 RAJA-RAJA 21:13

UhumanKu ma Jerusalem songon Samaria dohot si Ahab raja ni Israel i rap dohot pomparanna na Huuhumi i. PaspasonKu ma ias Jerusalem, songon pinggan na nibasu jana dipatungkap.

JESAYA 28:17

Hatigoran do tali panyuhat ni ojahan i jana hajujuron do tali pandodona.” Paison ni ambolas ma ias sude gabus na gabe sitioponmunu i. Ayupon ni aek magodang ma inganan parlindunganmunu i.

JESAYA 34:11

Sipauk dohot undan noma na maringanan disi. Kosong ma baenon ni Tuhan tano i jana harsang songon na salpu i dompak so panompaon.

JEREMIA 15:6

Madung ditulak jana ditadingkon hamu Au, hara ni i Huondamkon botohonKu laho mangabisi hamu. Ma pola loja Au mangorom muruk ni rohangKu.

ANDUNG 2:8

Madung putus di roha ni Tuhan anso tarbaen Ia manyegohon Sion i sudena. Angka tembok dohot palas-palasna, ma pola gabe maropuk i sudena.

HOSEA 1:6

Dung i denggan ma muse pamatang ni dadaboru i jana manubuhon sada dakdanak dadaboru. Didok Tuhan ma tu si Hosea, “Baen ma goar ni borumi si Lo-Ruhama, angke nada holong be rohangKu mida bangso Israel, jana nada ampunanKu be halahi.

AMOS 7:7

Dapotan parnidaan muse ma au sian Tuhan. Huida ma Ia jongjong di lambung ni sada tembok na dipajongjong mamake tali sipat. Di tanganNia adong tali sipat laho mangaligi sanga na tigor do tu ginjang parjongjong ni tembok i sanga nada.

AMOS 8:2

Disapai Tuhan ma, “Aha do diida ho Amos?” Jadi hualusi ma, “Sada karanjang na marisi parbatu do.” Didok Tuhan ma, “Madung dapot hatihana marujung ngolu ni Israel. Nada ubaonKu be sangkapKu laho manguhum halahi.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

ZAKARIA 4:2

“Aha dehe na niidamu?” ning ia manyapai. “Sada pat ni parlampuan sere do,” ningku mangalusi. “Di ujungna i di ginjang adong mangkuk inganan ni miak. Di pat ni parlampuan i, humaliang mangkuk inganan ni miak i adong pitu lampu, jana ganop lampu adong pitu be parsumbuanna.

ZAKARIA 5:2

Mangkuling ma ia tu au, “Aha dehe na niidamu? Hualusi ma: Sada balunan ni pustaha na habang di awang-awang i. Sambilan meter ginjangna jana opat satonga meter bidangna.”