AMOS 7:7 - BIBEL JAMITA NA DENGGAN

⁷ Dapotan parnidaan muse ma au sian Tuhan. Huida ma Ia jongjong di lambung ni sada tembok na dipajongjong mamake tali sipat. Di tanganNia adong tali sipat laho mangaligi sanga na tigor do tu ginjang parjongjong ni tembok i sanga nada.

AMOS 7:7 ပူးပေါင်းရင်းမြစ်များ

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

2 SAMUEL 8:2

Laing ditaluhon si Daud muse ma halak Moab. Disuru ia halahi modom di tano i lalu dibunu ia ma dua halak ganop sian tolu halak. Jadi dung i gabe pangoloi ni si Daud ma halak Moab jana manggarar pajak tusia.

2 RAJA-RAJA 21:13

UhumanKu ma Jerusalem songon Samaria dohot si Ahab raja ni Israel i rap dohot pomparanna na Huuhumi i. PaspasonKu ma ias Jerusalem, songon pinggan na nibasu jana dipatungkap.

JESAYA 28:17

Hatigoran do tali panyuhat ni ojahan i jana hajujuron do tali pandodona.” Paison ni ambolas ma ias sude gabus na gabe sitioponmunu i. Ayupon ni aek magodang ma inganan parlindunganmunu i.

JESAYA 34:11

Sipauk dohot undan noma na maringanan disi. Kosong ma baenon ni Tuhan tano i jana harsang songon na salpu i dompak so panompaon.

ANDUNG 2:8

Madung putus di roha ni Tuhan anso tarbaen Ia manyegohon Sion i sudena. Angka tembok dohot palas-palasna, ma pola gabe maropuk i sudena.

JEHESKIEL 40:3

Dioban Ia ma au tusi jana huida ma sada bayo na marsinondang songon tumbaga na jongjong di lambung ni pintu ni horbangan i. Ditiop ia di tangannia tali pangukur sian abit linen dohot hayu parsuhat.

AMOS 7:6

Gabe manolsoli ma Tuhan hara ni i. “On pe nada tulus tarjadi,” ninna Tuhan Debata.

AMOS 7:8

Disapai Ia ma tu au, “Aha do diida ho, Amos?” Hualusi ma, “Tali sipat do, Tuhan.” Dung i didok Tuhan ma, “Hupake do tali sipat on laho patuduhon na tudos do bangsongKu dohot tembok na so tigor. Nada pauba-ubaonKu be sangkapKu laho manguhum halahi.

HALUMBAAN 11:1

Dung i dilehen ma di au sada bulu suhat-suhat tarsongon tungkot, jadi diparentahon ma, “Kehe ma ho mangukur Bagas Na Badia ni Debata dohot meja inganan parkaulan i. Etong ma sanga sadia bahat halak na maribadat di bagasan.

HALUMBAAN 21:15

Adong do di tangan ni surusuruan donganku mangkobari i sada tungkot sere baen suhat-suhat laho mangukur kota i, marsuhat horbanganna dohot tembokna i.