AMOS 7:4 - BIBEL JAMITA NA DENGGAN

⁴ Huida muse ma sada nari parnidaan sian Tuhan Debata i. Huida ma Ia hatiha markobas laho manguhumi bangsoNia i dohot api. Abis ma laut na di toru ni tano didilat api i jana mamungka ma angka luat dipangan api.

AMOS 7:4 ပူးပေါင်းရင်းမြစ်များ

JESAYA 27:4

Nada muruk be Au sanga na biraraon. Sugari pe laing adong duhut sanga sihupi, Au noma torus mamorangi abis ma i sudena Hututungi.

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

JEHESKIEL 21:3

Au Tuhan mandok songon on, ‘Musumu do Au. SintahonKu ma podangKu jana bunuonKu hamu sude, na jahat dohot na burju.

JOEL 1:19

Tu Ho do au mangido tolong ale Tuhan, angke langa do padang na harsang jana halongonan; angka hayu pe mahiang marmatean mosok songon na niapian.

JOEL 2:30

PamasaonKu ma angka hahomangan di langit dohot di tano on: Mudar, jilam ni api dohot timus na marsijongjong.

HAMALIMON 10:2

Tuhan i sandiri do parohon api na manutung halahi lalu mate disi, di Bandar Parmianan Ni Tuhan.

AMOS 1:4

Hara ni i tongosonKu ma api tu bagas godang ni Raja Hasael, jana surbuanKu sude angka benteng ni Raja Benhadad.

AMOS 1:7

Hara ni i tongosonKu ma api tu angka tembok ni kota Gasa, jana surbuonKu sude angka bentengna.

AMOS 2:5

Hara ni i, tongosonKu ma api tu Juda jana surbuonna ma lopus abis angka benteng ni Jerusalem.”

AMOS 4:11

“Madung Husegoi angka hutamunu, songon Sodom dohot Gomora na disegoi ni Debata. Na tinggal mangolu sian hamu i ma na tudos tu surpu na niela sian api. Haru songon i pe, laing nada mulak hamu tu Au.

AMOS 5:6

Mulak ma hamu tu Tuhan, gabe mangolu ma hamu. Muda nada mulak hamu tuSia, ro ma Ia songon api na manutung lopus abis halak Israel. Panganon ni api i ma sudena halak na maringanan di Betel, jana nada adong sanga ise pe na tarbaen mangintopisa.

AMOS 7:1

On ma na dipatidahon ni Tuhan Debata tu au: Huida ma Ia manjadihon siapor na sun bahatna di hatiha simpul halak manyabi ruput di raja i, jana mamungka muse martumbur ruput na imbaru.

AMOS 7:7

Dapotan parnidaan muse ma au sian Tuhan. Huida ma Ia jongjong di lambung ni sada tembok na dipajongjong mamake tali sipat. Di tanganNia adong tali sipat laho mangaligi sanga na tigor do tu ginjang parjongjong ni tembok i sanga nada.

MIKA 1:4

Malala do angka dolok di toru ni patNia tudos tu lilin di bagasan api na gara; madencur angka dolok i lalu tu rura, songon aek di tor na marsasak tu lombang.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

BILANGAN 16:35

Diparo Tuhan i muse ma api na marjembur laho manutung na 250 halak na manutung hamonyan i.

PANGARATAION 32:22

Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.

IBRANI 1:7

Anggo taringot tu angka surusuruan, didok Debata songon on, “Dibaen Debata do angka surusuruanNia gabe alogo, jana angka pangoloiNia gabe jilam ni api.”

HALUMBAAN 4:1

Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”