AMOS 7:15 - BIBEL JAMITA NA DENGGAN

¹⁵ Tapi dibuat Tuhan au sian karejongki jana disuru Ia au palaluhon tonaNia tu halak Israel.

AMOS 7:15 ပူးပေါင်းရင်းမြစ်များ

2 SAMUEL 7:8

“Jadi hara ni i, Natan, paboa ma tu si Daud naposongKi, Au Tuhan Na Markuaso, mandok tusia, ‘Na Hubuat do ho sian parkarejoanmu marmahan biri-biri di padang-padang i jana Hubaen ho gabe raja di ginjang ni bangsongKu Israel.

1 RAJA-RAJA 19:19

Jadi kehe ma si Elia jana didapot ia si Elisa di ladangna na topet manjajar mamake lombu dua bolas pasang. Si Elisa sandiri dohot do manjajar mamake pasangan na parpudi i. Dompak na mamolus i si Elia di lambung ni si Elisa, ditalduskon si Elia ma baju jubania i jana dipahorbang ia ma tu abara ni si Elisa.

JEREMIA 1:7

Tapi dialusi Tuhan ma, “Ulang dokkon maposotu dope Au. Muda Husuru ho tu sada bangso, angkon kehe ho jana sandok na Husuru dokkononmu angkon palaluonmu do i tu halahi.

JEREMIA 26:12

Dung i hudok ma, “Tuhan do da na marsuru au palalu tona mangalo Bagas Ni Debata dohot kota on songon na nibegemunu.

AMOS 3:8

Muda marngaur singa, ise ma he mabiar? Muda mandok hata Tuhan Debata, ise ma he tarbaen so jana nada paboahon tonaNia?

MATEUS 9:9

Jadi kehe ma Jesus sian i. Jadi taran mardalan Ia, diida Ia ma sada bayo na margoar si Mateus juguk di kantor pajakna. Dipiohon Jesus ma bayo i, “Beta ma, ihutkon Au!” Jongjong ma si Mateus mangihutkon Jesus.

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 4:20

Harana nada tarhasipkon hami taringot tu angka na dung hami ida dohot na hami bege sandiri.”

BAENON NI ANGKA RASUL 5:20

“Kehe ma hamu tu Bagas Ni Debata, jana disi ma hamu jongjong laho mamaritahon sude hata hangoluan i tu halak na bahat.”

1 SAMUEL 10:11

Diida angka jolma na mananda ia hian ma sian najolo pangalahonia i, gabe marsisapai ma na sada tu na asing, “Aha dehe na masa tu anak ni si Kis i? Na gabe panurirang muse dehe si Saul?”