AMOS 7:10 - BIBEL JAMITA NA DENGGAN

¹⁰ Ditongos si Amasia malim na di Betel ma lapuran tu si Jerobeam raja ni Israel songon on, “Martahi do si Amos dohot rayat i laho mambaen paraloan tu raja i. Manjajang-jajang rayat do hatania gabe mambaen sego luat on.

AMOS 7:10 ပူးပေါင်းရင်းမြစ်များ

PAMUNGKAAN 37:8

“Ning rohamu ma lakna gabe ho na giot mangarajai hami?” ninna angka angkangnia i manyapai ia. Jadi mur tamba ma goyak ni roha ni halahi mida ia hara ni angka na nidoknia i.

1 RAJA-RAJA 13:33

Laing na so ra do si Jerobeam manadingkon hasomalan ni ngolunia na jahat i. Laho mangurus langgatan na nipajongjongnia i, sai torus do diangkati ia malim sian tonga-tonga ni halak na somal. Sanga ise ma na ra, diangkat ia gabe malim.

1 RAJA-RAJA 18:17

Dung diligi si Ahab si Elia, didok ma tu ibana: “Ho dehe na manggaori Israel?”

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

JEREMIA 36:16

Dung sidung disise ia, gabe mabiar ma halahi jana marsidokkon na sada tu donganna, “Angkon lapurkonon do on tu raja.”

JEREMIA 38:4

Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”

AMOS 1:1

Hata salaho tu si Amos, sada halak parmahan sian kota Tekoa, taringot tu Israel di hatiha Raja Usia mamarenta di tano Juda jana Raja Jerobeam anak ni si Joas mamarenta di Israel, dua taon painte so ro lalo.

AMOS 3:14

Di ari i di na manguhum Au tu halak Israel hara ni dosana, sarsarkononKu ma angka langgatan na adong di Betel. Ponggolkonon ma sude ujung ni angka langgatan i, anso dabu sude tu tano.

AMOS 5:10

Goyak do rohamunu mida halak na mangalo hageduhan jana na mandok hata na tutu di paruhuman.

AMOS 5:5

Ulang hamu kehe tu Berseba laho marsomba. Ulang jalahi hamu Au di Betel, angke na laho mago do Betel. Ulang kehe muse hamu tu Gilgal, angke na giot obanon do halak kota i tu habuangan.”

AMOS 7:11

Harana songon on do didokkon si Amos: Mate noma Raja Jerobeam panganon ni podang, jana obanon ma halak Israel tu habuangan, dao sian tanona sandiri.”

MATEUS 21:23

Dung i mangulahi ma Jesus tu Bagas Ni Debata. Masuk ma Ia mangajari disi. Jadi hatiha na mangajar i Ia, marroan ma angka kapala-kapala ni malim dohot angka na tobang-tobang ni halak Jahudi manyapai tuSia, “Marhite kuaso dia do dipambaeni Ho sudena on? Ise do na mangalehen kuaso i tu Ho?”

LUKAS 23:2

Dipungka halahi ma disi mangaduhon Ia. Didok halahi ma, “Madung tardapot hami bayo on palilu-liluhon halak. Jana diirangi-irangi Ia do halak anso ulang manggarar pajak tu Kesar; harana pandokNia, Kristus do Ia, sada halak Raja.”

BAENON NI ANGKA RASUL 24:5

Na tardapot hami do bayo on mambaen gaor. Sanga na di dia tongtong manggaori ia tu halak Jahudi, jana ia do pamimpin ni golongan Nasrani.

BAENON NI ANGKA RASUL 5:28

Ning ia ma, “Nada he hami antahi do hamu, anso ulang be diajarkon hamu taringot tu Goar i. Tapi ligi hamunu ma sanga aha na dung nibaenmunu i! Madung digohi hamu Jerusalem on sude dohot pangajaranmunu, jana giot paporsankononmunu ma mudar ni Bayo i tu hami.”

BAENON NI ANGKA RASUL 7:54

Jadi dung dibege angka na ro tu rapot ugamo i na nipajojor ni si Stefanus i, gabe hancit ma roha ni halahi jana patungaripon ma halahi tusia.