AMOS 6:6 - BIBEL JAMITA NA DENGGAN

⁶ Minum anggur ma hamu sian bokor, jana dipake hamu ma miak na humuskus, hape nada adong arsak ni rohamunu mida hasesego ni Israel.

AMOS 6:6 ပူးပေါင်းရင်းမြစ်များ

PAMUNGKAAN 49:22

Si Josep songon bona ni anggur na napu, di lambung mata mual ia tubu, angka rantingna manjurur manjarampak tu ginjang ni tembok.

2 RAJA-RAJA 15:29

Di hatiha ni si Pekah mamarenta, dirampas si Tiglat-Pileser raja ni Asur ma kota Iyon, Abel-Bet-Maaka, Janoah, Kedes, Hasor, Luat Gilead, Galilea dohot Naftali. Dioban ia muse ma halak kota i gabe taban tu Asur.

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

JESAYA 28:1

Marjaya ma Harajaan Israel! Hambar ma hajegesonna i songon sasusuhan ni bunga na malos di ulu ni angka pamimpinna. Huskus nian ulu ni halahi hara ni miak wangi, tapi bustang do halahi modom songon na mate hara ni na mabuk.

JESAYA 5:12

Di angka pestamunu habegean do sora ni hasapi, gambus, rapano dohot suling dohot na minum anggur. Hape nada diterge hamu anggo hagiot ni Tuhan dohot sanga aha na nibaenNa tu hamu.

JEREMIA 30:7

Madung dapot ari na jorbut, ari na so adong tudosanna. Anggo di bangsongKi ari i ma na mambaen sak ni roha; tapi paluaonKu do halahi.”

JEHESKIEL 9:4

Didok Tuhan ma tusia: “Mardalan ma ho sian tonga-tonga ni kota Jerusalem, jana suratkon ma hurup T di ganop bohi ni halak na marsak dohot na susa hara ni sude parbuatan sihagigian na dibaen di kota on.”

HOSEA 3:1

Didok Tuhan ma tu au, “Kehe ma ho mangulahi jana haholongi ma sada nari dadaboru panggampang. Haholongi ma i laing songon pangkaholongingKu di halak Israel haru pe ditadingkon halahi Au jana marsomba halahi tu angka debata boti sai dihaulkon halahi roti kismis tu gana-ganaan.”

AMOS 2:8

Di sude inganan paribadatan, marmodoman jolma disi mamake baju na nibuat ni halahi gabe jaminan ni utang ni halak na pogos. Di Bagas Ni Debata, diinum halahi do anggur na nibuat ni halahi sian halak na marutang tu halahi.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

JOHANNES 12:3

Dung i ro ma si Maria maroban hira-hira satonga liter narwastu, i ma miak na lobi huskus jana na arga situtu. Diusehon ia ma miak i tu pat ni Jesus jana diapus ia ma dohot obuknia. Gabe huskus ma sude bagas i hara ni uap ni miak na huskus i.

SURAT NI SI PAULUS TU PARLAGUTAN ROM 12:15

Marjop ni roha ma hamu dohot angka na marjop ni roha, jana tangis ma hamu dohot angka na tangis.

1 KORINTUS 12:26

Muda markancit sabagian, gabe markancit muse do sude angka bagian na asing; muda dapotan pujian sabagian sude angka bagian na asing i dohot do marjop ni roha.

1 TIMOTEUS 5:23

Ulang be hum aek sajo inum; laing inum ma saotik anggur padenggankon butuhamu, harana ma jotjot ho na marnyae-nyae i.