AMOS 6:4 - BIBEL JAMITA NA DENGGAN

⁴ Marjaya ma hamu na modom di podoman na jeges-jeges jana na marpesta mardongan juhut ni lombu dohot biri-biri jara-jara!

AMOS 6:4 ပူးပေါင်းရင်းမြစ်များ

PAMUNGKAAN 37:25

Jadi hatiha mangan halahi, ompot ma diida halahi sarombongan halak Ismael na di pardalanan sian Gilead laho tu Mesir. Maroban angka parmasak dohot hamonyan.

ESTER 1:6

Dihias ma alaman ni bagas godang i dohot tire na sian abit linen na rata langit dohot na bontar na nitambat dohot tali linen na halus jana disangkotkon di golang-golang perak na dibaen di angka tiang marmar. Di toruna i dibaen ma angka podom-podoman sian sere dohot perak di ginjang ni lante na dipajeges dohot marmar na bontar, hablur na rara, lampak ni mutiara na manyirlak dohot batu pirus na balau.

MASMUR 73:7

Gok hajahatan do roha ni halahi, sai giot mambaen sangkap na jat do pikiran ni halahi.

JESAYA 22:13

Hape suhar-suhar ni i, marmoga-moga jana marpestai hamu. Mangan juhut ni biri-biri hamu dohot lombu jana minum anggur lalu pio-pio, “Tole ma da mangan minum hita, angke laing na mate ma hita ancogot!”

JESAYA 28:1

Marjaya ma Harajaan Israel! Hambar ma hajegesonna i songon sasusuhan ni bunga na malos di ulu ni angka pamimpinna. Huskus nian ulu ni halahi hara ni miak wangi, tapi bustang do halahi modom songon na mate hara ni na mabuk.

JEREMIA 16:8

Ulang ho masuk tu bagas ni halak na topet marpesta. Ulang ho mangan sanga minum dohot halahi.

JEHESKIEL 16:49

Ginjang pe roha ni Sodom dohot angka huta pagaranna hara ni bahatna do balanjo simpanan ni halahi boti tenang do tarbaen halahi mangolu jana dame. Tapi nada diparrohahon halahi halak na pogos dohot na dangol.

JEHESKIEL 23:41

Dung i juguk ma halahi di ginjang ni podoman na jeges. Adong ma meja di jolo ni halahi dohot angka sipanganon na tabo; songon i muse dupa dohot miak zetun na Hulehen di halahi.

AMOS 3:12

Songon on do didok Tuhan, “Songon sada halak parmahan na paluahon dua pat sanga sabariba pinggol ni biri-biri sian baba ni singa, songon i ma halak Samaria i giot paluaon, saotik sajo noma na tading.”

AMOS 8:3

Gabe partangisan noma angka ende-ende na di bagas godang anggo di ari i. Marragean angka bangke sap ro di dia, angka na diambungkon sip-sip.”

MIKA 6:12

Angka halak na mora di hutamu mamoroi do sian halak na pogos, jana pargabus do hamu sudena.

LUKAS 16:19

“Adong ma sada halak na kayo na mamake pakean surto, jana na marsonang-sonang ganop ari.

JAKOBUS 5:5

Marlobi-lobi do ngolumunu di tano on jana didai hamu na sonang. Tarsongon na pamokmok-mokmokkon diri do hamu laho sambolon.