AMOS 6:2 - BIBEL JAMITA NA DENGGAN

² Kehe ma hamu mangaligi tu Kalne, lalu patorus hamu ma tu kota Hamat na godang i, dung i muse tu kota Gat na di Pilistin. Diambang hamu do lakna na dumengganan angka kota i sian harajaan Juda dohot Israel? Umbidang ma he lakna luat ni halahi ulang tanomunu?

AMOS 6:2 ပူးပေါင်းရင်းမြစ်များ

PAMUNGKAAN 10:10

Anggo di mulana lalu do tu Babel, Ereh dohot tu Akad kuasonia. Di Babilonia do na tolu i.

2 SAMUEL 8:9

Tarbege ma tu Raja Toi na sian Hamat na dung talu sude tentara ni si Hadadeser dibaen si Daud.

1 RAJA-RAJA 8:65

Di Bagas Ni Debata i do dibaen si Salomo dohot sude halak Israel, Pesta Undung-undung Bulung Rata pitu ari honokna. Bahat situtu do bilangan ni halak na marlagut disi, sian luat saginjang ni Dalan Hamat di Utara, lalu tu parbalohan ni Mesir di Selatan.

2 RAJA-RAJA 17:24

Laho manggonti halak Israel na dioban tu habuangan i, dibaen raja Asur ma di angka kota ni Samaria halak Babel, Kuta, Awa, Hamat dohot halak Sefarwaim. Dibuat halahi ma angka kota i jana maringanan ma halahi disi.

2 RAJA-RAJA 17:30

Dibaen halak Babel ma gana-ganaan ni Sukot Benot, halak Kuta mambaen gana-ganaan Nergal, halak Hamot mambaen patung ni Asima,

2 RAJA-RAJA 18:34

Di dia ma he debata ni Luat Hamot dohot Arpad? Di dia ma he debata ni Sefarwaim, debata ni Hena dohot debata ni Iwa? Adong ma he na ro paluahon Samaria?

2 RAJA-RAJA 19:13

Angka raja ni Hamot, Arpad, Sefarwaim, Hena dohot Iwa ma di dia halahi?”

2 JUJUR TAON 26:6

Marporang ma si Usia mangalo halak Pilistin. Ditolbak ia ma angka tembok ni kota Gat, Jabne dohot Asdod lalu dipajongjong ia ma angka kota na marbenteng di lambung ni Asdod dohot di luat na asing di Pilistin.

JEREMIA 49:23

On ma na nidok ni Tuhan salaho tu Damaskus, “Sak be roha ni halak Hamat dohot Arpad jana busisa hara ni na umbege barita na jat. Marsak be roha ni halahi jana dumaol-daol songon ombak ni laut.

NAHUM 3:8

Dumenggan ma lakna ho sian Tebe, kota sabungan ni Dewa Amon, na maringanan di topi ni Batang aek Nil, na dihuliangi aek, kota na martembok laut, jana na marbenteng aek?

1 SAMUEL 17:23

Tapi dompak manghobari dope ia dohot halahi, maju ma si Goliat tu jolo mangalap-alapi halak Israel, songon na somal dibaen ia. Dibege si Daud muse ma hatania i.

1 SAMUEL 17:4

Jadi haruar ma sada bayo na margoar si Goliat sian parbandaran ni Pilistin i laho mangalap-alapi halak Israel. Ginjangna adong do hira-hira tolu meter,

1 SAMUEL 5:10

Gabe ditaruhon ma Poti Parjanjian i tu Ekron, kota ni halak Pilistin na asing muse. Disi lalu Poti i disi, mangarar ma halak kota i, didok halahi, “Na giot mamunu hita sude do umbaen na dioban Poti Parjanjian ni Debata ni Israel i tusi.”

1 SAMUEL 5:8

Jadi gabe dipiohon halahi ma raja ni halak Pilistin na lima i anso marlagut, lalu disapai halahi ma, “Bia do Poti Parjanjian ni Debata ni Israel i baenonta?” Dialusi angka raja-raja i ma, “Paimbar hamu ma i tu kota Gat.” Jadi gabe dipaimbar ma Poti i tu kota Gat, i ma sada kota ni halak Pilistin na asing.