AMOS 6:14 - BIBEL JAMITA NA DENGGAN

¹⁴ Didok Tuhan, Debata Na Markuaso i sandiri do, “Ale halak Israel, tongosonKu ma tentara sian sada luat na asing laho mamparhanciti hamu. Sosahon ni halahi ma hamu sian dalan laho tu Hamat di Utara lopus tu Rura Araba di Selatan.”

AMOS 6:14 ပူးပေါင်းရင်းမြစ်များ

1 RAJA-RAJA 8:65

Di Bagas Ni Debata i do dibaen si Salomo dohot sude halak Israel, Pesta Undung-undung Bulung Rata pitu ari honokna. Bahat situtu do bilangan ni halak na marlagut disi, sian luat saginjang ni Dalan Hamat di Utara, lalu tu parbalohan ni Mesir di Selatan.

2 RAJA-RAJA 14:25

Si Jerobeam II on ma na mambuat sude luat ni Israel mangulahi, mamungka sian dalan tu Hamot di Utara lalu tu Laut Mate di Selatan. Domu do i tu janji ni Tuhan, Debata ni Israel marhite naposoNa Panurirang Junus anak ni si Amitai halak Gathefer i.

2 RAJA-RAJA 15:29

Di hatiha ni si Pekah mamarenta, dirampas si Tiglat-Pileser raja ni Asur ma kota Iyon, Abel-Bet-Maaka, Janoah, Kedes, Hasor, Luat Gilead, Galilea dohot Naftali. Dioban ia muse ma halak kota i gabe taban tu Asur.

2 RAJA-RAJA 17:6

i ma muse taon pasambilankon dung mamarenta si Hosea, dirampas si Salmaneser ma Samaria. Dioban ia ma halak Israel gabe tabanan tu Asur. Dibaen ia ma deba halahi di kota Hala, deba di lambung ni Batang aek Habor na di Luat Gosan jana deba nari di angka kota na di Luat Madai.

JESAYA 7:20

Pakeon ni TUHAN ma raja ni Asur manaluhon, pabilehon dohot mangaroncohon Israel. Baenon ni raja Asur ma Israel songon pambaen ni sada tukang cukur na mangabisi sude obuk dohot imbulu na di pamatang.

JEHESKIEL 47:20

Anggo batas sabola Hasundutan mangihutkon potongan ni Laut Tonga do i, lalu tu Utara tu sada inganan di Hasundutan ni dalan laho tu Hamat.

HOSEA 10:5

Mabiar ma halak Samaria; marsak jana tangis ma halahi dohot angka malim na mangkobasi lombu sere na di Bet-Awen i hara ni parmago ni hajagaron ni gana-ganaan ni halahi.

AMOS 3:11

Hara ni i, hobuhon ni musuna noma tano ni halahi, disarsarkon partahananna, jana dirampas angka bagas godang ni halahi.