AMOS 6:11 - BIBEL JAMITA NA DENGGAN

¹¹ Muda mangalehen parenta Tuhan, bagas na menek sanga na godang gabe marsegoan.

AMOS 6:11 ပူးပေါင်းရင်းမြစ်များ

2 RAJA-RAJA 25:9

Disurbu si Nebusaradan ma Bagas Ni Debata, bagas godang ni raja i dohot bagas ni sude halak na sumangap-sangap di Jerusalem.

MASMUR 105:16

Dipadondonkon Tuhan tu luat ni halahi haleon, jana dibuat sian halahi sude simpanan ni panganon.

MASMUR 105:31

Hara ni parenta ni Debata marroan ma rongit dohot lanok, mangarongomi sude inganan.

MASMUR 105:34

Didabu Ia parenta, gabe marroan ma siapor, maradu bahat bilanganna jabat nada taretong.

PARJAMITA 10:18

Muli tiris do tarup ni bagas muda dipadiar, jana ujungna marumpak do bagas i hara ni halosohon.

JESAYA 13:3

Madung dipiohon Tuhan angka ulubalang na nipilianNia na garang, na marpos ni roha di dirina jana na papos roha laho mamorangi dohot manguhumi angka jolma na hona murukNia.

JESAYA 55:11

laing songon i do hatangKu na haruar sian pamanganKu, nada mulak boti i tu Au; tapi patuluson ni i do hagiotKu, jana marlabo do i di bagasan aha na dung Husuruhon tusia.

AMOS 3:15

RoncohononKu sude angka bagas parangin-anginan di musim ngali dohot musim panas. Marrumpahan ma angka bagas na dipajeges dohot gading; marumpak ma sude bagas na godang.

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

AMOS 9:1

Huida ma Tuhan jongjong di lambung ni sada langgatan. Dilehen Ia ma parenta songon on, “Toko ma gogo-gogo angka ulu ni tiang i anso humutur sude emperna i. Rumpakkon angka tiang i tu ginjang ni ulu ni angka jolma i. Angka na so mate disi, Hubunu marhite podang. Sahalak pe nada tarbaen paluahon dirina; sahalak pe nada adong na malua.

AMOS 9:9

BaenonKu ma parenta jana piaranna ma bangso Israel songon pamiari ni halak di gandum di bagasan anduri. Laho pasidingkon sude na so marguna sian tonga-tonga ni halahi, hursuhonKu ma halahi di tonga-tonga ni angka bangso.

NAHUM 1:14

On ma haputusan ni Tuhan maradopkon Asur, “Nada marpomparan be halahi laho paudut sundut ni bangsona. RoncohononKu ma angka patung ni gana-ganaan na adong di angka bagas pamelean ni debata ni halahi. Hatiha manghuar kuburan ma Au di bangso Asur, angke nada patut be halahi mangolu!”

ZAKARIA 14:2

Palaguton ni Tuhan ma sandok bangso laho mamorangi Jerusalem. Taluhononna ma kota i, jana dirampasi angka bagasna i, jana angka dadaboru na disi paksaonna marmainan. Satonga sian halak kota i obanonna tu habuangan, tapi anggo na asing i tading do di kota i.

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”

LUKAS 19:44

Roncohonon ni halahi ma ho, songon i sude halak na adong di bagasan tembok ni kotami; nada dipadiar halahi umpe sada batu di ginjang ni donganna, hara ni na so diparrohahon ho sanga andigan Debata ro giot paluahon ho!”