Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AMOS 6:1 - BIBEL JAMITA NA DENGGAN

1 Marjaya ma hamu na sonang mangolu di Sion, dohot hamu na aman pangkilalaanna di Samaria – hamu angka panangian ni masarakat ni bangso Israel na godang on, hamu angka na somal ditopot-topot rayat.

အခန်းကိုကြည့်ပါ။ ကော်ပီ




AMOS 6:1
26 ပူးပေါင်းရင်းမြစ်များ  

Tapi dung salpu i ditobusi ia ma sada dolok mararga onom ribu hepeng perak sian sada bayo na margoar si Semer. Dipajongjong si Omri ma sada kota di dolok i, dibaen ia ma goarna Samaria mangihutkon goar ni si Semer nampuna dolok i humani.


Tuk ma bahatna incak ni halak na kayo tu hami dohot incak-incak sian halak na jungkat roha i.


Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.


Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”


Hatiha i badia do Israel di Tuhan, songon parbatu patumonaan sian suha ni tanoNa. Sude halak na mangankon i gabe marsala, hona parmaraan ma halahi, songon i ma hata ni Tuhan.”


Pandok ni Tuhan, “Sian najolo aman do Moab. Na so unjung dope i dioban tu habuangan. Songon aek ni anggur do ia na dipadiar mindo, jana na so jungada diusehon tu inganan na asing. Laing matua huskus anggurna i jana tabo.


‘Beta ma maju! Tole ma taroro angka jolma na mandok aman dirina jana sonang. Nada adong ambat-ambat ni kota ni halahi, angke nada adong horbanganna jana goruk-gorukna pe nada adong.’ ”


Dumengganan ma au kehe tu angka halak na godang anso mangkatai dohot halahi. Anggo halahi pasti diboto halahi sanga aha hagiot ni Tuhan Debata ni halahi.” Hape halahi sude pe nada ra diparenta Tuhan; nada ra halahi mangoloi Ia.


Ulang haporsayai hamu hata gabus na mandok, ‘On ma Bagas Ni Tuhan, Bagas Ni Tuhan, Bagas Ni Tuhan.’


Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.


“Sian sandok bangso na di tano on, hum sasada hamu sajo do bangso na Hutanda dohot na Huantoi. I ma mambaen godang dosamunu, jana angkon uhumanKu hamu.”


Pabotohon ma on tu angka jolma na maringanan di bagas godang ni Mesir dohot Asdod, “Marlagut ma hamu di angka dolok na humaliang Samaria, jana pamanat hamu ma hasursaran godang dohot angka hajahatan na dipambaeni disi.”


Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!


muda Hubuang hamu tu sada luat na dumao sian Damaskus, ninna Tuhan na margoar Debata Na Markuaso.”


Angka jolma na marsumpa mangasahon gana-ganaan ni Samaria na mandok, ‘Mangasahon goar ni debata ni bangso Dan’, sanga, ‘Mangasahon debata ni Berseba’ – tinggang noma i jana nada tarsunggul-tarsunggul be.”


Hara ni podang angkon marmatean sude halak pardosa sian tonga-tonga ni bangsongKu na mandok: ‘Nada ro be parmaraan godang jana nada lalu tu hami.’ ”


Tangihon hamu ale angka parkuaso ni Israel! Sapatutna nian angkon porluhononmunu do hatigoran,


Di hatiha i buatonKu ma obor jana galedaonKu ma kota Jerusalem. UhumanKu ma halak na disi na marpos ni roha jana puas dibaen dirina sandiri, jana na mandok di bagasan rohana, na so jungada sanga aha dibaen Tuhan na denggan sanga na jat.


Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.


Marlobi-lobi do ngolumunu di tano on jana didai hamu na sonang. Tarsongon na pamokmok-mokmokkon diri do hamu laho sambolon.


Pasahat hamu ma sudena holos ni rohamunu tu Debata, angke diparrohahon Ia do hamu.


Jadi kehe ma silima halak i tu Lais. Diparrohahon halahi ma angka halak na maringanan disi. Torang ma antong, anggo parngoluon ni halak Lais i dos do dohot parngoluon ni bangso Sidon. Haru pe dao halahi sian bangso i jana pinjil, aman jana sonang do ngolu ni halahi, nada adong musuna, sonang, boti nada adong na hurang sanga na aha pe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ