AMOS 5:27 - BIBEL JAMITA NA DENGGAN

²⁷ muda Hubuang hamu tu sada luat na dumao sian Damaskus, ninna Tuhan na margoar Debata Na Markuaso.”

AMOS 5:27 ပူးပေါင်းရင်းမြစ်များ

1 RAJA-RAJA 14:15

Uhumon ni Tuhan ma Israel lopus marlapat-lapat songon arung na di batang aek. Buaton ni Tuhan ma halak Israel sian luat na denggan on na nilehenNa tu ompu ni halahi. Sarsarkonon ni Tuhan ma halahi di ipar ni Batang aek Efrat, hara ni na nipagilap-gilap ni halahi muruk ni rohaNia di na nibaen ni halahi angka patung ni debata boru-boru Asera.

2 RAJA-RAJA 15:29

Di hatiha ni si Pekah mamarenta, dirampas si Tiglat-Pileser raja ni Asur ma kota Iyon, Abel-Bet-Maaka, Janoah, Kedes, Hasor, Luat Gilead, Galilea dohot Naftali. Dioban ia muse ma halak kota i gabe taban tu Asur.

2 RAJA-RAJA 17:23

Lopus di ujungna nada diparrohahon Tuhan be halahi, tapi diambungkon noma halahi sian tano na nilehenNa di halahi. Tulus do i tarjadi laing songon na nipaingotkon ni Tuhan markite-hite angka naposoNia i, i ma angka panurirang. Songon i ma halak Israel dioban tu habuangan di Asur jana disi ma halahi tinggal lalu tu sadari on.

2 RAJA-RAJA 17:6

i ma muse taon pasambilankon dung mamarenta si Hosea, dirampas si Salmaneser ma Samaria. Dioban ia ma halak Israel gabe tabanan tu Asur. Dibaen ia ma deba halahi di kota Hala, deba di lambung ni Batang aek Habor na di Luat Gosan jana deba nari di angka kota na di Luat Madai.

JEREMIA 38:17

Dung i hudok ma tu si Zedekia, songon on do didok Tuhan Na Markuaso i, Debata na nisomba ni halak Israel, “Muda dipasahat ho do dirimu tu angka tentara ni raja Babel i, nada bunuonna ho, jana kota on pe nada tutungonna. Malua do ho dohot dongan sabagasmu.

AMOS 4:13

Dolok dohot alogo, Tuhan do manompasa; dipabotohon Ia do sangkapNia tu jolma manusia. Diuba Ia do arian gabe borngin, jana di puncu ni angka dolok Ia mardalani. Tuhan, Debata Na Markuaso, i do goarNia.

AMOS 5:26

Hape disomba hamu do patung Sakut, debata na nietong ni rohamunu rajamunu i, dohot Debata Kewan, bintang na nipardebatamunu i. Jadi saonnari angkon obanonmunu sandiri ma angka patungmunu i

AMOS 6:1

Marjaya ma hamu na sonang mangolu di Sion, dohot hamu na aman pangkilalaanna di Samaria – hamu angka panangian ni masarakat ni bangso Israel na godang on, hamu angka na somal ditopot-topot rayat.

AMOS 6:7

Jadi hara ni i, hamu ma parjolo-jolo obanon tu habuangan. Marujung ma angka pesta dohot angka parjamu-jamuanmunu i.

BAENON NI ANGKA RASUL 7:43

Bandar ni si Molokh do na nipaoban-obanmunu i rap dohot gana-ganaan ni bintang ni debatamunu na margoar Refan; i ma gana-ganaan na nibaenmunu gabe sisombaon. Hara ni i, angkon Huambungkon hamu lopus tu bariba an di Luat Babel.’