AMOS 5:18 - BIBEL JAMITA NA DENGGAN

¹⁸ Na marjaya situtu ma da hamu na painte-intehon ari ni Tuhan i! Aha ma he guna ni ari i di hamu? Hum ari na golap sajo do ari i, nada ari na torang.

AMOS 5:18 ပူးပေါင်းရင်းမြစ်များ

JESAYA 13:6

Mangandungi ma hamu, angke madung donok ari ni Tuhan i. Di ari i, paroon ni Tuhan Na Gumincat i ma hamagoan.

JESAYA 24:18

Sanga ise na marlojong hara ni biarna, madabu ma tu tirangkap, jana na so hona tu tirangkap hona jorat ma. Udan potir diparo sian langit jana humuntal ma ojahan ni tano on.

JESAYA 5:19

Didok hamu, “Haru diompoti Tuhan Debata Na Badia ni Israel i ma nian patuluskon sangkapNia i anso taboto sanga aha maksudNia.”

JESAYA 5:30

Anggo di ari i tarbege ma di sude Israel parngiar ni porang sagogo ni ombak ni laut bidang. Ligi da, manggolap ma sudena luat i jana gok hasusaan. Gabe hagolapan marimpot-impot noma na torang i.

JESAYA 58:2

Dijalahi halahi do Au ganop ari, jana marpor ni roha giot mananda nasa dalanKu. Songon bangso na mangkarejohon na tutu dohot na so maninggalkon aturan ni Debatana disapai halahi do Au taringot tu aturan na tigor, jop do roha ni halahi mangadop tu Debata.

JESAYA 8:22

sanga tu tano, umpe bagi aha idaon ni halahi asing sian hasusaan dohot hagolapan maradu haholomon na mandondoni, jana tu inganan na songon i ma halahi ditogu.

JESAYA 9:19

Muruk situtu Tuhan Na Markuaso i jana panguhumNa pe songon api na marsigorgor jana bangso i ma songon purunan siabiskononna. Umpe adong sahalak na maribo ni roha mida kahanggina.

JEREMIA 13:16

Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

JEREMIA 17:15

Didok halak do tu au, “Di dia do sude na niondamkon ni Tuhan i? Saonnari ma da i dipadalan!”

JEREMIA 30:7

Madung dapot ari na jorbut, ari na so adong tudosanna. Anggo di bangsongKi ari i ma na mambaen sak ni roha; tapi paluaonKu do halahi.”

JEHESKIEL 12:22

“Ale anak ni jolma, biasi sai tagi dihilala halak Israel mandok umpama on: ‘Margonti ari, hape angka alatan nada unjung tarjadi?’

JEHESKIEL 12:27

“Ale anak ni jolma, pandok ni angka halak Israel, anggo parnidaan dohot alatanmi, honok sajo dope i baru anso tarjadi.

JOEL 1:15

Nada sadia honok nari ari ni Tuhan dapot ne ma, disi ma hatihana Na Markuaso i parohon mara. Na jorbut sun do ari i dibaen maroban arsak dohot hasegoan do i.

JOEL 2:10

Humutur do tano di na maju halahi, dohot langit pe humuntal do disi. Manggolap dohot bulan songon i mataniari, nada marsinondang dohot angka bintang i.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

JOEL 2:31

Manggolap ma mataniari jana bulan pe marrara songon mudar dompak so dapot ari ni Tuhan i, i ma ari na godang jana sihabiaran!

OBAJA 1:15

“Tutu do na dung donok arina, Au Tuhan giot uhumanKu angka bangso. Baloskonon ma tu Edom sandok na nibaennia. Jagitonnia ma mangulahi sanga aha na nilehennia.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

PANGARATAION 32:24

Marmatean ma halahi baenon ni arun dohot na malean disintak hamatean hara ni nyae sihabiaran. Marroan binatang panyoro manjomahi ulok na marbisa mambaen mangangguhi halahi.

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

2 PETRUS 3:4

dokkonon ni halahi ma songon on, “Di dia do janji taringot tu haroroNia i? Madung pola marmatean angka ompunta, hape laing songon-songon i sajo do sandok na adong mamungka sian mula ni tano on!”