AMOS 5:11 - BIBEL JAMITA NA DENGGAN

¹¹ Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

AMOS 5:11 ပူးပေါင်းရင်းမြစ်များ

JOB 20:19

Harana na mamisat do ia antong jana mambaen mompas halak na so mardiha-diha; dirampas ia do angka bagas na so nipajongjongna.

JESAYA 16:10

Umpe adong sahalak na marjop ni roha di angka ladang na napu i. Nada adong na pio-pio sanga na marende di kobun anggur i. Nada adong na mamoro anggur laho mambaen aek ni anggur. Madung marujung surak-surak jop ni roha.

JEHESKIEL 26:12

Rampason ni angka musumi ma sandok sinadonganmu dohot jagalanmu. Parrumpakkonon ni halahi ma angka tembokmu jana sego-segoonna angka bagasmu na jeges i. Pambuatan ni halahi ma angka batuna i, angka papanna dohot tanona jana ambungkonon ni halahi tu laut.

JEHESKIEL 34:21

Manyosak-nyosak do hamu dohot manombengi tu biri-biri na marnyae, gabe morot halahi sian punguan ni biri-biri i.

HOSEA 9:2

Tapi nada sadia honok nari hurangan gandum ma hamu dohot miak zetun, dohot anggur pe abis muse ma.

HAMALIMON 26:16

uhumonKu ma hamu. ParoonKu ma bala tu hamu, nyae dohot arun na so haubatan, gabe mapitung ma hamu jana marhancit ngolumunu. Saburonmunu ma same, tapi nada daionmunu suhana, angke angka musumunu giot ro patunduk hamu jana manyabi na nisuanmunu.

AMOS 2:6

Songon on ma didok Tuhan, “Hara ni na dung mardosa halak Israel marhite tolu hajahatan lopus tu opat hajahatan nada tarikonKu be haputusanKi, angke digadis halahi do angka halak na tigor hara ni hepeng jana halak na pogos hara ni sapasang solop.

AMOS 2:7

Didege-dege halahi do halak na gale na so margogo, jana dipabali halahi do jolma na pogos. Ama-ama dohot anakna rap mandongani modom sada na poso dadaboru, gabe hodar goarKu na badia i patunda ni i.

AMOS 3:15

RoncohononKu sude angka bagas parangin-anginan di musim ngali dohot musim panas. Marrumpahan ma angka bagas na dipajeges dohot gading; marumpak ma sude bagas na godang.

AMOS 3:9

Pabotohon ma on tu angka jolma na maringanan di bagas godang ni Mesir dohot Asdod, “Marlagut ma hamu di angka dolok na humaliang Samaria, jana pamanat hamu ma hasursaran godang dohot angka hajahatan na dipambaeni disi.”

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

AMOS 6:11

Muda mangalehen parenta Tuhan, bagas na menek sanga na godang gabe marsegoan.

AMOS 6:12

Tarbaen kudo ma he marlojong di dolok batu? Unjung ma he mambajak halak di laut mamake lombu? Hape anggo hamu dipabalik-balik hamu do hatigoran lopus gabe rasun na mamatehon.

AMOS 8:4

Tangihon ma, hamu angka na mandege-dege halak na pogos, jana na mangagohon halak na dangol di luat on.

AMOS 9:14

ObanonKu ma mangulahi bangsongKi tu tano ni halahi. Bangunon ni halahi mangulahi angka kota ni halahi na marsegoan lalu buang disi. Suanan ni halahi ma anggur baen inumon ni halahi dohot angka suan-suanan baen panganon ni halahi.

MIKA 1:6

I do umbaen na nidok ni Tuhan: “BaenonKu ma Samaria gabe timbunan ni batu di tonga padang dohot panyuanan ni bona ni anggur baenon ni halak. AmbungkononKu tapor-tapor ni kota i tu bagasan holbung jana bungkaronKu angka jongjonganna i.

MIKA 2:2

Muda por roha ni halahi di sada ladang, dirampas halahi do i. Muda por roha ni halahi di sada bagas, dirampas halahi sajo do i. Muda dung abis hartona dirampas, angka koum sisolkot pe nada be sonang.

MIKA 6:15

Disabur hamu gandum, tapi nada buatonmunu suhana. Ditanak hamu miak sian batu ni zetun, tapi nada buatonmunu suhana. Ditanak hamu miak sian batu ni zetun, tapi nada tarpake hamu miakna i. Diporo hamu anggur, hape nada inumonmunu.

ZEPANYA 1:13

Hona rampas ma sinadongan ni halahi jana roncohonon ma bagas ni halahi. Pajongjongon ni halahi ma bagas, tapi nada ingananna. Karejohonon ni halahi ma kobun anggur tapi nada inumonna anggurna.

HAGAI 1:6

Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”

PANGARATAION 28:30

Muda nada dioloi ho Tuhan Debatamunu i, martunangan ma ho, – tapi halak na asing do mambuat tunanganmunu i. Pajongjong bagas ma ho – hape nada ingananmunu bagas i. Suananmunu ma kobun anggur – hape nada ho mangankon batu ni anggur i.

JAKOBUS 2:6

Hape anggo hamu, mur dipabile hamu do halak na pogos haru pe nian angka halak na mora i do mamisat hamu dohot na manyarat hamu tu paruhuman!