AMOS 4:7 - BIBEL JAMITA NA DENGGAN

⁷ Au do na mangantak ulang ro udan di na porlu situtu maraek suan-suananmunu. Huparo udan tu kota na sada, tapi tu kota na asing nada. Ladang na sada por udan, hape ladang na asing halogoan.

AMOS 4:7 ပူးပေါင်းရင်းမြစ်များ

HARURUAR 10:22

Diangkat si Musa ma tangannia tu langit, gabe golap bulita ma sude tano Mesir honokna tolu ari.

HARURUAR 10:23

Nada marsipaidaan be halak Mesir dohot donganna, jana sahalak pe nada adong na maninggalkon bagasna na tolu ari i. Hape anggo di inganan ni halak Israel i tongtong do adong na torang.

HARURUAR 8:22

Tapi asing baenonKu anggo tu tano Gosen, inganan ni bangsongKi. Anggo disi nada adong lanok, anso diboto hamu, Au do Tuhan na manguhum luat on.

HARURUAR 9:26

Anggo di tano Gosen, inganan ni halak Israel i, hum sasada i ma inganan na so hona ambolas.

HARURUAR 9:4

Asing do baenonKu tu pahan-pahanan ni halak Israel sian pahan-pahanan ni halak Mesir. Sada pe nada adong na mate sian pahan-pahanan ni halak Israel.

JESAYA 5:6

PadiaronKu noma disi martubuan hayu riar. Nada be tamboranKu tanona i jana bona ni anggur i pe nada be papangkas-pangkasonKu. Mur padiaronKu noma i tehe lombuton ni sihupi dohot andor-andor. Salang ombun pe antahanKu noma ulang diparo udan tusi.”

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JEREMIA 14:3

Angka pangoloi ni halak na mora disuru manjalahi aek sun tu dia; kehe halahi tu angka sumur hape aek madung abis sudena. Rumar ma parmuhatan na nioban ni halahi muli. Mardongan ganggu dohot dele ni roha ditutupi halahi bohina tanda ni arsakna.

JEREMIA 14:4

Nada ro udan jana tano mahiang mangkarogang; digupgupi partani bohina patunda ni arsakna.

JEREMIA 3:3

Patunda ni i do gabe so aek sian langit, jana udan na somal di musimna nada unjung ro. Suman do ho tu siboru panggampang na so umboto hahaila.

JOEL 2:23

Ale rayat ni Sion, marjop ni roha ma hamu! Marmoga-moga jana marsurak-surak ma hamu, hara ni sude denggan basa na sian Tuhan Debatamu! Di hatiha musim gugur tuk dilehen Ia udan di hamu. Di musim ngali diduruskon Ia udan, dohot di hatiha ni sabion laing songon na salpu.

ZAKARIA 14:17

Muda adong bangso na so ra kehe tu Jerusalem laho marsomba tu Raja, Tuhan Na Markuaso i, gabe nada ro be udan di luat ni halahi.

JOHANNES 4:35

Didok hamu, ‘Opat bulan nari sabion ma.’ Tapi anggo Au mandok di hamu: tangkas ma ligi hamu tu angka ladang i. Nada he madung tarsabi i?

1 KORINTUS 4:7

Ise dehe na mambaen hamu marhasurungan sian na asing? Nada he na nijagitmunu do sude sian Debata? Antong biasi ma he manggodang diri hamu songon dia ma na adong di hamu songon na so nilehen i di hamu?

PANGARATAION 11:17

Muda dilanggar hamu parenta i, hona muruk ni Tuhan ma hamu. Nada paroonNia udan; mahiang ma tanomunu maradu marigang lopus nada marsuha suan-suanan. Jadi di bagasan hatiha na pendek mate ma hamu disi, haru pe nian tano na napu do na nilehenNa i di hamu.

JAKOBUS 5:17

Si Elia pe laing jolma humani do, sarupa dohot hita. Marsitutu do ia martangiang anso ulang ro udan, jana nada ro udan tolu satonga taon honokna.

HALUMBAAN 11:6

Markuaso do halahi manutup langit anso ulang ro udan salolot manyurirangi halahi. Laing markuaso do halahi di angka mual ni aek laho mambaen aekna i gabe mudar. Jana laing markuaso muse do halahi mangalibas tano on markite-hite angka ragam ni bala, sanga na andigan giot ni halahi.