AMOS 4:2 - BIBEL JAMITA NA DENGGAN

² Au Tuhan Debata, Tuhan Na Badia do Au, jana madung Hujanjihon, muli dapot do hatihana saraton hamu dohot saitan; songon ihan na hona hail ma hamu.

AMOS 4:2 ပူးပေါင်းရင်းမြစ်များ

MASMUR 89:35

Sanoli do Au marsumpa mangasahon goarKu na badia; nada margabus Au tu si Daud.

MASMUR 89:36

Martahan do habangsania salolot marsinondang mataniari, jana pomparannia sandiri manjuguki.

JESAYA 37:29

Madung Hubege do sanga songon dia ginjang ni rohami. Saonnari Hubaen harihir di igungmu dohot kokang di babamu, anso Hutarik ho mulak mamolus dalan na nibolusmu di na laho ro.”

JEREMIA 16:16

Didok Tuhan ma, “Giot piohononKu bahat halak parihan laho manangkupi angka jolma on. Dung i piohononKu ma bahat halak parburu laho marburu halahi di sandok dolok dohot partoran, dohot di angka liang ni dolok batu.

JEHESKIEL 29:4

BaenonKu ma harihir di isang-isangmi jana lohotkononku angka ihan di sisikmi. Dung i Hutarik ma ho haruar sian Batang aek Nil dohot sude ihan na lohot di sisikmi.

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

JEHESKIEL 38:4

PaegolonKu ma ia, baenonKu harihir di isang-isang na i, jana ropoonKu haruar rap dohot sude parangannia i. Bahat sajo do parangannia na markudo na marpakean saragam i. Marsioban podangna parincena do ganop parajurit.

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

AMOS 8:7

Disumpahon Tuhan do marhite hagogodang ni si Jakob, “Nada Hulupahon salolot ni lolotna sude na dikarejohon ni halahi!