AMOS 4:13 - BIBEL JAMITA NA DENGGAN

¹³ Dolok dohot alogo, Tuhan do manompasa; dipabotohon Ia do sangkapNia tu jolma manusia. Diuba Ia do arian gabe borngin, jana di puncu ni angka dolok Ia mardalani. Tuhan, Debata Na Markuaso, i do goarNia.

AMOS 4:13 ပူးပေါင်းရင်းမြစ်များ

JOB 9:7

Tarorai Debata do ulang bincar mataniari manyogot, dohot mangantahi angka bintang marsinondang di borngin na robot.

MASMUR 135:7

Sian ujung ni portibi diparo Ia ombun dibaen Ia hilap mardongan udan. Dung i diparentahon Ia tu haba-haba anso ruar be sian panyimpananna.

MASMUR 139:2

Diboto Ho do sude pambaenanku; sian na dao diboto Ho do pikiranku.

MASMUR 147:18

Jadi diparentahon Ia ma, gabe aek ma es i, diombuskon Ia haba-haba, gabe mardalan ma aek.

MASMUR 65:6

Marhite kuasoMu na sumurung i, dipajongjong Ho angka dolok.

HARURUAR 10:22

Diangkat si Musa ma tangannia tu langit, gabe golap bulita ma sude tano Mesir honokna tolu ari.

HARURUAR 14:20

di antara ni halak Mesir dohot halak Israel. Gabe golapan ma sude halak Mesir i hara ni ombun i, hape anggo di halak Israel torang do, jabat nada tarbaen padonok-donok parangan na dua i.

JESAYA 40:12

Ise ma he tarbaen marsuhat laut dohot tanganna, sanga mangukur langit dohot jari-jarina? Ise ma he tarbaen papungu tano ni portibi di bagasan sambong, sanga manimbang borat ni dolok dohot kiloan?

JESAYA 45:7

Au do manjadihon na torang dohot na golap, Au do parohon pasupasu dohot bura. Hum sasada Au sajo do Tuhan, sudena i madung Hupadalan.

JESAYA 47:4

ninna Debata Na Badia ni Israel, Tuhan Na Markuaso do goarna.

JESAYA 48:2

Nada hum i sajo, didok hamu dope pangisi ni kota na badia i hamu, na pasahat ngoluna tu Debata ni Israel, i ma Tuhan Na Markuaso i.

JESAYA 5:30

Anggo di ari i tarbege ma di sude Israel parngiar ni porang sagogo ni ombak ni laut bidang. Ligi da, manggolap ma sudena luat i jana gok hasusaan. Gabe hagolapan marimpot-impot noma na torang i.

JEREMIA 10:13

Hum parenta do dilehen Ia, gumadobur ma aek ni parlangitan dipanaek Ia ombun sian ujung ni tano on. Dibaen Ia hilap na margurasa di bagasan udan, ditongos Ia alogo sian panyimpananna.

JEREMIA 10:16

Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.

JEREMIA 13:16

Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

JEREMIA 46:18

Au do Tuhan Na Mangolu, Au do raja, Tuhan Na Markuaso. Songon Dolok Tabor na gumincat sian tonga-tonga ni angka dolok dohot Dolok Karmel na marsijongjong di ginjang ni sisik ni laut, songon i ma hagogoan ni na ro i mamorangi ho.

JEREMIA 51:16

Hum parenta do dilehen Ia, mardorom ma aek di awang-awang sian ujung ni tano on marroan angka ombun dibaen Ia. Dibaen Ia mamincar porkas di bagasan udan, ditongos Ia alogo sian panyimpananna.

JEREMIA 51:19

Anggo Debata ni si Jakob nada songon gana-ganaan i; Ia do na manompa sasudena. Tuhan Na Markuaso i do goarNia; ditodo Ia do Israel gabe bangsoNa.

DANIEL 2:28

Tapi adong do di banua ginjang Debata na mambuka sude rahasia, jana madung dipaboa Ia tu raja i sanga aha na giot tarjadi tu pudi on. Jadi on ma nipi ni raja i dohot astuanna:

DANIEL 2:30

Saonnari madung dipataridahon tu au rahasia i, nada hara ni na ummalo au sian angka na asing i, tapi anso bisa do botoon ni raja i taringot tu nipi ni raja i jana anso bisa diastui raja i taringot tu angka pikiran na ro tu raja i sandiri.

HOSEA 12:6

Debata i ma Tuhan, Debata Na Markuaso i. Tuhan do goarNa. Marhite goar i ma dihagioti rohaNia maribadat halak tuSia.

JOEL 2:2

Manggolap do ari i jana mangalomlom, ari na gok ombun dohot hagolapan. Songon sinondang ni mataniari manyogot di ginjang ni angka tor, sada bangso na bahat jana na gogo. Na so unjung masa dope i; jana sapanjangna nada masa be i.

AMOS 3:13

Didok Tuhan Debata, Debata Na Markuaso i ma, “Parrohahon ma saonnari jana paingot ma pomparan ni si Jakob.

AMOS 5:27

muda Hubuang hamu tu sada luat na dumao sian Damaskus, ninna Tuhan na margoar Debata Na Markuaso.”

AMOS 5:8

Tuhan do na mambaen angka bintang na di ginjang – bintang Poriama dohot bintang Sidongdong. Dipauba Ia do na golap gabe torang dohot arian gabe borngin. Aek na sian laut ditimba Ia tu darat i. Tuhan do na mambaen sudena i.

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

AMOS 8:9

Dapot do i hatihana baenonKu bonom mataniari jana manggolap tano on taran arian. Au Tuhan Debata madung mandok songon i.

AMOS 9:6

Dibangun Tuhan do bagasNia di langit i dao, dibaen Ia ojahan ni kubah di ginjang tano. Aek na sian laut ditimba Ia tu darat, Tuhan do na mambaen i sudena.

MIKA 1:3

Manuat do Ia sian parmiananNa na badia i, jana mardalan di angka puncu ni dolok na di portibi.

HABAKUK 3:19

Dilehen Ho do di au gogo songon pat ni ursa, patku dipatohong Ho. Dijagohon Ho do au anso sonang, di na mardalani au di partoran.

ZAKARIA 12:1

On ma tona ni Tuhan taringot tu Israel, i ma Tuhan na pahembang langit, na manompa portibi jana na mangalehen ngolu tu jolma, didok Ia ma,

MATEUS 9:4

Diboto Jesus do na nipikiran ni halahi i gabe didok Ia ma, “Biasi he dipikiri hamu na jat di bagasan rohamunu lakna?

JOHANNES 2:25

Nada porlu baenon ni halak hatorangan tuSia taringot tu jolma, harana diboto Ia sandiri do sanga aha na adong di bagasan roha ni jolma.

JOHANNES 3:8

Na mangombus do alogo sanga na tudia giotnia; tabege do nian husasakna, tapi nada taboto sanga sian dia harorona jana tu dia kehena. Songon i muse ma halak na nitubuhon ni Tondi i.”

PANGARATAION 32:13

Tola ma halahi mangarajai partoran, di tano na marbatu inganan ni zetun martubuan. Panganon ni halahi do parbatu ni angka ladang minum aer ni loba harangan sian batu na marigang.

PANGARATAION 33:29

O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”