AMOS 4:12 - BIBEL JAMITA NA DENGGAN

¹² Hara ni i, ale halak Israel, uhumanKu ma hamu. Antong marhobas ma hamu mangadopi uhumanKu!”

AMOS 4:12 ပူးပေါင်းရင်းမြစ်များ

JESAYA 32:11

Mabiar ma hamu ale angka dadaboru na sonang, humitir ma hamu ale angka dadaboru na dame, buka ma abitmu jana pake ma abit goni.

JESAYA 47:3

Idaon ni halak ma ho na so marpakean, dilayasi jana dipaila-ila. Palalu hosom ma Au tu ho, jana nada haantahan sanga ise Au,”

JESAYA 64:2

songon api na mambaen soban marjimbur jana na mambaen muse aek gabe gurgur. Pataridahon ma kuasoMu tu musuMu, anso manyikur angka bangso di joloMu.

JEREMIA 5:22

Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.

JEHESKIEL 13:5

Nada dijagohon halahi angka inganan ni tembok na marsegoan jana nada dipauli halahi muse angka tembok i. Jadi nada tarpartahankon anggo Israel, muda ro Tuhan di arina manguhumi.

JEHESKIEL 22:30

Hujalahi do sian tonga-tonga ni halak Israel i na malo pajongjongkon tembok, sanga jongjong di angka inganan ni tembok na matolbak laho mampartahankon luat i muda ro Au mangaroncohon di bagasan parpiar ni murukKu; hape hum sahalak pe nada adong dapot au.

HOSEA 13:8

ParsurageonKu ma hamu songon gompul na agoan anak. Sibak-sibahonKu ma hamu. Songon singa, giot polgakonKu hamu di ingananmunu, jana songon binatang panyoro parsurageonKu ma hamu.”

AMOS 2:14

Na hipas marlojong pe nada tarbaen luncat; mago ma hagogoon ni halak na gogo, jana halak na barani pe nada tarbaen paluahon dirina.

MATEUS 24:44

Hara ni i, angkon tongtong do hamu hobas. Angke ro ma Anak Ni Jolma i, di hatiha na so pamotoanmunu do Ia ro.”

MATEUS 5:25

Sugari adong ma halak na mangaduhon ho tu paruhuman, jolo mardame ma ho tusia salolot tarbaen dope. Harana nada lalu dope tu sidang. Anggo so jolo diusahohon ho do pardamean, pasahaton ni bayo i ma ho tu panguhum. Pasahaton ni panguhum i muse ma ho tu soridadu. Baru ma dipamasuk soridadu i ho tu hurungan.

HALUMBAAN 3:3

Jadi angkon ingotonmunu do mangulahi sanga aha na niajarkon tu hamu najolo, songon i muse dohot na nijagitmunu. I ma dalankon hamu jana pauba hamu ma rohamunu sian angka dosamunu. Anggo nada ngot hamu, ro ma Au songon panangko mandapotkon hamu; jana nada botoonmunu sanga sadihari Au ro.