AMOS 4:11 - BIBEL JAMITA NA DENGGAN

¹¹ “Madung Husegoi angka hutamunu, songon Sodom dohot Gomora na disegoi ni Debata. Na tinggal mangolu sian hamu i ma na tudos tu surpu na niela sian api. Haru songon i pe, laing nada mulak hamu tu Au.

AMOS 4:11 ပူးပေါင်းရင်းမြစ်များ

JESAYA 13:19

Sian sasude harajaan, Babel ma na jumeges, jana na gabe hagodangan ni roha ni halak na manginganisa. Tapi Debata, giot mambalikkonsa, songon na dung dibaen maradopkon Sodom dohot Gomora.

JESAYA 7:4

Dokkon ma tusia: Patogu ma rohamu jana pasonang, ulang ma mabiar sanga puntol rohamu, hara ni surpu ni api na dua i, i ma hamumuruk ni si Resin dohot Aram dohot anak ni si Remalya.

JESAYA 9:12

Rampason ni bangso Siria na sian Habincaran dohot bangso Pilistin di Hasundutan ma Israel. Tapi laing muruk dope anggo Tuhan jana sai giot manguhumi.

JEREMIA 23:14

Tapi madung Huida jumahat dope pangalaho ni angka panurirang di Jerusalem. Margabusi do halahi dohot marmainan jana diurupi halahi do halak na jahat, gabe umpe adong sahalak pe na ra pauba rohana. Anggo di Au mandosdos do halahi sudena rap parjahat songon halak Sodom dohot Gomora.”

JEREMIA 49:18

Songon Sodom dohot Gomora na dironcohon rap dohot angka huta na humaliangna i, laing songon i muse ma Edom, sahalak pe nada adong be maringanan disi. Au Tuhan, madung Hudok songon i.

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

JEREMIA 50:40

Tarjadi muse ma tu Babel sanga aha na tarjadi tu Sodom dohot Gomora di na Huroncohon kota i rap dohot angka pagaran na adong humaliangna. Sahalak pe nada adong be na tading disi. Au Tuhan, madung mandok songon i.

JEHESKIEL 24:13

Ale Jerusalem, angka pambaenanmu na so ture i, i do mambaen hodar ho. Madung Hucubo nian paias ho, hape nada adong gunana, angke torus do ho hodar. Nada be ra ho ias mangulahi lopus Hupalalu rimasKu tu ho.

HOSEA 11:5

Nada ra mulak angka halak Israel i tu Au, jadi hara ni i, angkon mulak tu Mesir halahi jana parentaon ni bangso Asur halahi.

HOSEA 11:8

Didok Tuhan ma, “Ale Israel nada padiaronKu ho sanga tadingkononKu. Tarbaen Au ma he tu ho songon parabis ni Adma? Sanga Hubaen ho songon Zeboim? Nada torus rohangKu mambaen songon i, hara ni godang ni holong ni rohangKu tu ho!

AMOS 4:6

Au do na pamasahon haleon potir tu sude kotamunu, hape nada mulak hamu tu Au.

HAGAI 2:17

Ma pola Huparo alogo na milas dohot ambolas laho manyegohon sude suan-suanan na di ladangmunu, hape laing matua so ra do hamu mulak tu Au.

ZAKARIA 3:2

Didok Surusuruan ni Tuhan ma tu Sibolis i, “Sai diuhum Tuhan ma ho, ale Sibolis! Sai diuhumi Tuhan na manghaholongi Jerusalem i ma ho. Nada he surpu na nitarik sian api do ia?”

SURAT NI SI PAULUS TU PARLAGUTAN ROM 9:29

Didok si Jesaya muse dope songon on, “Sugari sura inda ditadingkon Debata Na Markuaso i angka pomparan di hita, angkon songon Sodom dohot Gomora hita.”

1 KORINTUS 3:15

Tapi muda mosok do karejona i, anggo i rugi ma ia; malua do nian anggo ia sandiri, tapi songon halak na malua sian api noma.

PANGARATAION 28:24

Songon gonti ni udan, diparo Debata ma udan abu dohot horsik lopus mate hamu sude.

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.

2 PETRUS 2:6

Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.

JUDAS 1:23

Palua hamu ma halak sian api. Maradopkon angka halak na asing sian i pe laing maribo ni roha ma hamu mardongan biar, tapi hagigihon hamu ma anggo pakean ni halahi na hodar dibaen angka hagiot ni halahi na mardosa i.

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.

HALUMBAAN 9:20

Hape laing so ra dope jolma na so hona bunu i pauba rohana sian sasude na nibaen ni halahi sandiri. Laing na so mantak do halahi marsomba tu angka begu dohot tu angka gana-ganaan sere, perak, tumbaga, batu dohot hayu na so marnida sanga marbinege, sanga pe mardalan.