Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AMOS 4:10 - BIBEL JAMITA NA DENGGAN

10 Hutongos tu hamu nyae masa songon na hutongos tu Mesir. Humatehon angka doli-dolimunu di bagasan parporangan, jana hurampas angka kudomu. Hugohi inganan ni bandarmunu dohot bangke na manyusuk bauna tu igung. Haru songon i pe, laing nada mulak hamu tu Au.

အခန်းကိုကြည့်ပါ။ ကော်ပီ




AMOS 4:10
42 ပူးပေါင်းရင်းမြစ်များ  

Di hatiha i, mamungka ma dipaotik Tuhan luat ni Israel. Dirampas si Hasael raja ni Siria ma sudena Luat Israel


Jadi gabe muruk ma Tuhan tu Israel, jana dipadiar Tuhan ma sanga piga-piga noli ro si Hasael raja ni Siria dohot anakna si Benhadad manaluhon Israel.


Dibunu raja Siria i do bangso Israel, jabat do hum lima pulu tentara na markudo tinggal, hum sampulu kareta porang jana hum sampulu ribu halak sajo noma parajurit sian tentara ni si Joahas.


“Biasi tangis tuan i?” ning si Hasael manyapai. “Angke huboto do hajahatan na giot baenonmu tu halak Israel,” ning si Elisa. “Giot surbuonmu ma angka kotana na martembok, bunuonmu ma angka halak na poso na jumogi, pingkohanmu ma angka dakdanak na baru sorang jana bolaanmu ma butuha ni angka ina na denggan pamatangna.”


Dipajogal Tuhan do roha ni raja i; gabe nada diloas raja i bangso Israel kehe.


Jadi kehe ma si Musa dohot si Harun mangadop tu raja i, jana didok halahi ma, “Tuhan, Debata ni bangso Ibrani mandok, ‘Sadia honok nari ma he gagaanmu tunduk tu Au? Loas ma bangsongKi kehe anso tarbaen halahi maribadat tu Au.


Jogal do baenonKu rohania anso gabe diayak-ayak ia hamu. Hamonanganmunu maradopkon raja ni Mesir dohot tentarania i ma mambaen halak pagodangkon Au. Gabe botoon ni halak Mesir i ma, Au do Tuhan.” Dipatulus halak Israel do songon na nidok ni Tuhan tu halahi.


Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”


gabe didok angka parelmu sihir i ma tu raja i, “Debata do mambaen on!” Tapi laing jogal do roha ni raja i, jana songon na nidok ni Tuhan, nada ra raja i manangihon si Musa dohot si Harun.


Tapi dipajogal Tuhan do roha ni raja i, jana songon na nidok ni Tuhan hian, nada tangihonon ni raja i si Musa dohot si Harun.


Hape laing ginjang dope rohamu jana nada dipaloas ho kehe bangsongKi.


Nada kuburkonon angka bangke ni halahi tapi padiaron do i marbusuhan jana bau. Marrara ma angka dolok hara ni na marlapu mudar.


Satutuna, sude hamu na pagara api jana mamasang pana-pana api, masuk ma hamu tu bagasan ngorngor ni apimu, dohot tu tonga-tonga ni pana api na nipasangmunu i! Hara ni tanganKu do tarjadi sudena i: Marpayakan ma hamu di inganan paruhuman i.


Rampason ni bangso Siria na sian Habincaran dohot bangso Pilistin di Hasundutan ma Israel. Tapi laing muruk dope anggo Tuhan jana sai giot manguhumi.


Laing na so manyosal dope bangso Israel haru pe na dung hona uhum ni Tuhan Na Markuaso i; laing na so tunduk dope halahi tu angka parentaNia.


Madung marbalik bangso i jana marpangalaho na hodar, jana hata ni halahi sude jahat do. Jadi hara ni i, sian tonga-tonga ni angka doli-doli umpe sahalak na giot malua baenon ni Tuhan. Inda ra Ia maribo ni roha mida angka na mabalu dohot na so marama so marina. Tapi laing torus dope Tuhan muruk jana sai giot manguhumi.


Jadi hara ni i, didok Tuhan Na Markuaso i ma, “UhumanKu ma halahi! Marmatean di parporangan ma angka doli-doli ni halahi; angka dakdanak ni halahi mate tangkuraparon.


Au Tuhan, madung Hutontuhon opat pangalaho na jorbut giot masa tu halahi; marmatean ma halahi di parporangan, sarat-saraton ni anjing ma bangke ni halahi, papanganan ni unggas jana pangabison ni binatang panyoro.


Marmatean do halahi hona nyae na mambaen mate, jana marmatean ma halahi di parporangan sanga mate tangkuraparon. Sahalak pe nada adong na manangisi halahi sanga na manguburkonsa. Marampar do bangke ni halahi songon rompak-rompak di tano i, jana dipapangani unggas ma i dohot angka binatang.


Hara ni i, padiar ma mate tangkuraparon angka dakdanak ni halahi sanga mate dipangan podang. Padiar ma angka dadaboru ni halahi agoan halaklahi dohot dakdanakna; padiar ma marmatean angka halaklahi baenon ni nyae masa jana angka doli-dolina marmatean di parporangan.


Madung pola disarsarkon Moab dohot angka kotana, jana angka doli-dolina na tumongam madung hona bunu. Madung Hudok songon i, Au do Raja, Tuhan Na Markuaso.


Marmatean ma di ari i angka doli-doli ni halahi di dalan-dalan i jana sude tentarana hona bunu.


Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.


HamumurukMu pe tu halahi manginona tu au do Tuhan, borat do laho manahansa. Dung i didok Tuhan ma, “Palalu ma hamumurukKi tu angka dakdanak di angka dalan godang dohot tu angka doli-doli na marlagut-lagut. Ripe-ripe halak angkon obanon ma tu habuangan, jana halak na dung matobang pe nada malua.


Marampar angka bangke niida songon rompak di tano parragena; songon bona ni gandum na tading jana na so dipalagut be. I ma tona ni Tuhan na angkon baritahononku.”


Nada ra mulak angka halak Israel i tu Au, jadi hara ni i, angkon mulak tu Mesir halahi jana parentaon ni bangso Asur halahi.


PaorotonKu ma parangan ni siapor na sian Utara, tu padang parhorsihan Huayak deba. Tu Laut Hamatean Husosak barisan parjolona, tu Laut Tonga Huonjar parpudina. Muap bau angka bangkena, Hara ni na mamparkanciti hamu, Humatehon i sudena.


uhumonKu ma hamu. ParoonKu ma bala tu hamu, nyae dohot arun na so haubatan, gabe mapitung ma hamu jana marhancit ngolumunu. Saburonmunu ma same, tapi nada daionmunu suhana, angke angka musumunu giot ro patunduk hamu jana manyabi na nisuanmunu.


ParoonKu ma parporangan laho manguhum hamu, angke madung dilaosi hamu aturanKu, dung i muda marlagut hamu di kotamunu manjalahi paronding-ondingan, paroonKu ma tu hamu nyae na so haubatan gabe tunduk hamu tu musumunu.


Au do na pamasahon haleon potir tu sude kotamunu, hape nada mulak hamu tu Au.


Gabe partangisan noma angka ende-ende na di bagas godang anggo di ari i. Marragean angka bangke sap ro di dia, angka na diambungkon sip-sip.”


Ma pola Huparo alogo na milas dohot ambolas laho manyegohon sude suan-suanan na di ladangmunu, hape laing matua so ra do hamu mulak tu Au.


Marsingki-soluk ma nyae ro tu ho, lopus ujungna sahalak pe nada adong be na tinggal di tano na giot siingananmunu i.


Uhumon ni Tuhan ma ho dohot ragam ni nyae na posi, tbc, milas, radang. ParoonNia ma logo ni ari dohot alogo na mangombuskon lopus sego suha ni ladangmunu. Sai marpupu ro do bala on taononmunu lopus mate hamu sude.


Angka nyae na jorbut na nitaonmunu di Mesir, mangulahi ma i aeonmunu, jana nada ra be malum ho.


Jagohonon ni Tuhan do hamu sian sude nyae na masa, jana dipadao sian sude nyae na masa godang na niidamunu di Mesir, tapi dihonahon ma angka bala i tu angka musumunu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ