AMOS 3:15 - BIBEL JAMITA NA DENGGAN

¹⁵ RoncohononKu sude angka bagas parangin-anginan di musim ngali dohot musim panas. Marrumpahan ma angka bagas na dipajeges dohot gading; marumpak ma sude bagas na godang.

AMOS 3:15 ပူးပေါင်းရင်းမြစ်များ

1 RAJA-RAJA 22:39

Barita na asing salaho tu Raja Ahab, taringot tu bagas godang na sian gading dohot sude kota na nipajongjongnia madung disuratkon di Buku Sejarah Ni Raja-raja Israel.

MASMUR 45:8

Maradu huskus noma pakean ni raja i songon mur, gaharu dohot cendana. Di bagasan bagas godang na margading sigodang arga, laing marjop ni roha raja i dibaen angka parendena.

JESAYA 5:9

Hubege do didok Tuhan Na Markuaso i, “Anggo angka bagas na godang-godang jana na jeges-jeges on, marumar noma i sudena nada adong be manginganisa.

JEREMIA 36:22

Bulan sambilan hatiha i jana topet do raja i hatiha juguk di jolo ni parapian di bagas godang musim ngalinia.

AMOS 2:5

Hara ni i, tongosonKu ma api tu Juda jana surbuonna ma lopus abis angka benteng ni Jerusalem.”

AMOS 3:11

Hara ni i, hobuhon ni musuna noma tano ni halahi, disarsarkon partahananna, jana dirampas angka bagas godang ni halahi.

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

AMOS 6:11

Muda mangalehen parenta Tuhan, bagas na menek sanga na godang gabe marsegoan.

MALEAKI 1:4

Sugari rupani didok halak Edom pomparan ni si Esau i, “Madung dironcohon angka hutanami, tapi bangunonnami ma i mangulahi,” jadi alusan ni Tuhan Na Markuaso i ma, “Haru pe dibangun halahi mangulahi, rumpakkononKu do i muse. Goaron ni halak ma halahi ‘Tano na durako’ dohot ‘Bangso na nimuruhan ni Tuhan sapanjangna.’ ”

HAKIM-HAKIM 3:20

Dung i, dipadonok si Ehud ma tu raja i na topet juguk, lalu didok ia ma, “Adong barita sian Debata di raja i!” Umbege i, jongjong ma raja i.