AMOS 3:10 - BIBEL JAMITA NA DENGGAN

¹⁰ “Saotik nada adong diboto halahi mambaen na tigor, ninna Tuhan, dibaen halahi do bagas paribadatanna dohot angka hakejamon dohot parkancitan.”

AMOS 3:10 ပူးပေါင်းရင်းမြစ်များ

JOB 20:21

Muda mangan ia sude diabiskonsa, gabe nada manahan be hasonanganna.

MASMUR 14:4

Didok Tuhan, “Na so diboto angka na jahat i do na disamun halahi bangsongKu jana nada jungada halahi martangiang tu Au?”

PODA 1:13

Tarampas ma angka barang-barangna sigodang arga, jadi gabe gok ma bagasta dohot barang na nirampas.

PODA 11:16

Dadaboru na pardenggan basa dapotan hasangapan, halak na kejam palagutkon sinadongan.

PODA 28:5

Nada diastui halak na so hasaya hatigoran, tangkas sajo do i diastui halak na manyomba Tuhan.

PARJAMITA 4:1

Dung i huparrohahon muse ma sada hageduhan na masa di tano on. Martangisan angka halak na hona sosak jana nada adong na ra mangurupi halahi. Umpe sahalak na ra mangurupi, harana godang do kuaso ni angka na manyosak i.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

JEREMIA 5:4

Gabe ning rohangku di bagasan, “Iale tehe, halak na menek do halak on, na so umboto bagi aha. Na bodo do pambaenan ni halahi, angke nada diastui halahi na nipangido ni Tuhan Debata ni halahi.

JEHESKIEL 18:7

Nada jungada ia mangicu sanga manangko. Angka barang jaminan ni utang ni halak tusia sai dipaulak ia do. Halak na malean dilehen ia do mangan jana halak na so marpakean, dilehen ia do parabiton.

JEHESKIEL 22:29

Mangicu dohot manangko do angka halak na kayo. Roha-roha ni halahi sajo do dibaen halahi tu halak na pogos jana mambuat untung do halahi sian halak sileban.

JEHESKIEL 8:17

Didok Tuhan ma tu au, “Diida ho dehe i, ale jolma parsantongkinan? Nada puas dope pangkilalaan ni angka halak Juda on anggo hum angka pangalaho sihagigian i sajo dope dibaen halahi dohot mambaen tindakan na so mananda holong ni roha tu donganna jolma di sude luat i. Dipambaeni halahi do sudena i dison, di bagasan BagasKu jana i ma dalanna umbaen na mur gilap Huhilala. Ligi ma sanga na bia dibaen halahi palayas Au marhite pangalaho na jumorbut on!

HOSEA 7:1

“Muda Hupamalum Israel, gabe tarida ma hasalaan ni Efraim dohot angka hajahatan ni Samaria; angke dikarejohon halahi do margabus, manombom panangko laho masuk jana panyamun mangarampas di luar.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

AMOS 5:7

Marjaya ma hamu, angka na pabalik-balikkon hatigoran dohot na mamogo hak ni halak!

AMOS 6:12

Tarbaen kudo ma he marlojong di dolok batu? Unjung ma he mambajak halak di laut mamake lombu? Hape anggo hamu dipabalik-balik hamu do hatigoran lopus gabe rasun na mamatehon.

AMOS 6:3

Laing gogo rohamunu mandok na honok dope ari hamamago i, hape angka parbuatanmunu i do patibuhon haroro ni ari i.

AMOS 6:8

Madung marsumpa Tuhan Debata hara ni diriNa sandiri, – songon on ma didok Tuhan, Debata Na Markuaso –, “Magigi do Au mida haginjangon ni roha ni Israel on; nada jop rohangKu mida angka bagas godang dohot angka bagas ni halahi na jeges-jeges i. PasahatonKu ma tu musu kota sabungan ni halahi rap dohot sude na adong di bagasanna.”

MIKA 6:10

Di angka bagas ni halak parjahat, marpungu ma sinadongan na dapot sian dalan na so patut. Dipake halahi do parsuhatan na pargabus, i ma sada parbuatan na sai Huhagigihon.

ZEPANYA 1:9

UhumanKu ma sandok halak na marsomba songon na so mananda Au, dohot na manangko jana mamunu jolma laho manggohi bagas ni tokena dohot angka barang na dirampas.”

2 PETRUS 3:5

Sangajo na so ra do halahi umbotosa paboa na nitompa ni Debata do langit dohot tano on narobi markite-hite hata ni Debata; tano on pe sian aek do ditompa jana mardongan aek;