AMOS 2:8 - BIBEL JAMITA NA DENGGAN

⁸ Di sude inganan paribadatan, marmodoman jolma disi mamake baju na nibuat ni halahi gabe jaminan ni utang ni halak na pogos. Di Bagas Ni Debata, diinum halahi do anggur na nibuat ni halahi sian halak na marutang tu halahi.

AMOS 2:8 ပူးပေါင်းရင်းမြစ်များ

HARURUAR 22:25

Muda painjamkon hepeng hamu tu halak na pogos sian dongan sabangsomunu, ulang baen hamu songon partunggu ni parsingir na manuntut bunga ni hepeng i.

JESAYA 57:7

Kehe do hamu tu puncu ni angka dolok laho pasahatkon pelean lalu pasombuhon hagiot ni sibukmunu.

JEHESKIEL 18:12

Giotnia ma mangicu halak na pogos, manangko, mambuat barang jaminan ni halak na marutang tusia. Kehe ia tu angka bagas pamelean ni halak na so mananda Tuhan jana disomba ia gana-ganaan sihagigian.

JEHESKIEL 18:7

Nada jungada ia mangicu sanga manangko. Angka barang jaminan ni utang ni halak tusia sai dipaulak ia do. Halak na malean dilehen ia do mangan jana halak na so marpakean, dilehen ia do parabiton.

JEHESKIEL 23:41

Dung i juguk ma halahi di ginjang ni podoman na jeges. Adong ma meja di jolo ni halahi dohot angka sipanganon na tabo; songon i muse dupa dohot miak zetun na Hulehen di halahi.

HOSEA 4:8

Gabe mamora do hamu hara ni dosa ni bangsongKi, i ma dalanna dihagioti hamu anso torus halahi mardosa.

HOSEA 7:14

Nada tutu situtu na ruar sian roha tangiang ni halahi. Angke muda martangiang halahi, diompaskon halahi do dirina tu podoman, jana mangandung songon na nibaen ni angka jolma na so mananda Au, hape tangiang ni halahi i nada ruar sian ate-ate na ias. Muda martangiang halahi mangido gandum dohot anggur, digomahi halahi ma pamatangna i songon halak sisomba gana-ganaan, mangalo do halahi tu Au!

AMOS 3:14

Di ari i di na manguhum Au tu halak Israel hara ni dosana, sarsarkononKu ma angka langgatan na adong di Betel. Ponggolkonon ma sude ujung ni angka langgatan i, anso dabu sude tu tano.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

AMOS 6:4

Marjaya ma hamu na modom di podoman na jeges-jeges jana na marpesta mardongan juhut ni lombu dohot biri-biri jara-jara!

AMOS 6:6

Minum anggur ma hamu sian bokor, jana dipake hamu ma miak na humuskus, hape nada adong arsak ni rohamunu mida hasesego ni Israel.

1 KORINTUS 10:21

Nada tola hamu minum sian anggur ni Tuhan, diinum hamu muse sian panginuman anggur ni tondi na jahat i. Nada tola hamu mangan di meja ni Tuhan dohot muse di meja ni tondi na jahat.

1 KORINTUS 10:7

Boti muse anso ulang tasomba gana-ganaan songon na nibaen ni deba sian halahi, songon na tarsurat, “Jadi juguk ma bangso i mangan dohot minum, dung i jongjong ma halahi jana manortori.”

1 KORINTUS 8:10

Harana muda adong halak na gale panggora ni rohana mangaligi ho na “marparbinotoan” topet juguk mangan di bagas parsombaan tu gana-ganaan, nada he gabe tartarik rohania gabe puluk ia mangankon sipanganon na dihaulkon tu gana-ganaan i?

HAKIM-HAKIM 9:27

Kehe ma halahi mamutik anggur di angka kobun anggur, lalu mambaen anggur siinumon jana mambaen pesta. Mangan minum ma halahi di inganan pamelean ni debata ni halahi lalu disumpai halahi ma si Abimelek.