AMOS 2:7 - BIBEL JAMITA NA DENGGAN

⁷ Didege-dege halahi do halak na gale na so margogo, jana dipabali halahi do jolma na pogos. Ama-ama dohot anakna rap mandongani modom sada na poso dadaboru, gabe hodar goarKu na badia i patunda ni i.

AMOS 2:7 ပူးပေါင်းရင်းမြစ်များ

2 SAMUEL 12:14

Tapi dibaen madung sanga layas Tuhan dibaen raja i hara ni pangalaho i, gabe mate do anak ni raja na sorang i.”

1 RAJA-RAJA 21:4

Mardongan arsak, dohot muruk hara ni hata na nidok ni si Nabot i tusia, mulak ma si Ahab lalu modom ma ia di podomannia manjorbing adop dingding i jana nada ra ia mangan.

PODA 28:21

Nada denggan muda nibaen siida-ida bohi, tapi adong juo do panguhum na mamihak hum hara ni hepeng na saotik.

JESAYA 10:1

Marjaya ma hamu! Dipambaeni hamu do angka aturan na so tigor laho mamisat bangsongKi.

JESAYA 10:2

Songon i ma dalanna dibaen hamu laho paimbar hak dohot hatigoran jana mangarampas sinadongan ni angka na mabalu dohot na so marama so marina.

JESAYA 3:14

Ro ma Tuhan songon panguhum maradopkon angka pamimpin ni bangsoNia. Songon on ma adu-adu ni Tuhan maradopkon halahi: “Ditangko hamu do suha ni angka kobun anggur, jana gok bagasmu dohot barang na nirampas sian halak na pogos.

JESAYA 3:15

Nada adong hakmu laho mamisat bangsongKu dohot mamoro halak na pogos. Au Tuhan Debata Na Markuaso madung mandok songon i.”

JEHESKIEL 22:11

dadaboru ni halak sanga parumaenna sanga ibotona sian ina na asing.

JEHESKIEL 36:20

Sanga tu dia pe halahi kehe, sai dipahodar halahi do goarKu na badia i. Angke didok angka jolma do songon on, ‘Bangso Ni Tuhan do nian bangso on, hape angkon tadingkonon ni halahi do tano na nilehen ni Debata tu halahi.’

HOSEA 4:14

Tapi nada uhumonKu halahi hara ni i, angke hamu sandiri pe kehe do tu angka panggampang na markarejo di angka bagas parsombaan, jana dihaulkon hamu do haul tu debata rap dohot halahi. Tutu situtu ma da na nidok ni pandohan on, ‘Jana bangso na so marpangastuion angkon maronco.’

HAMALIMON 18:15

Nada tola marcampur dohot parumaenmu,

HAMALIMON 18:21

Ulang lehen sada pe sian anakmu gabe dihaulkon tu Debata Molok, angke pangalaho na songon i na palayas goar ni Tuhan do i.

HAMALIMON 18:8

Ulang palayas amangmu marhite na marcampur dohot sada halak sian angka dadaborunia na asing.

HAMALIMON 20:3

Muda adong sahalak na mangalehen anakna tu Debata Molok jabat gabe ramun Bandar Na Badia i jana palayas goarKu na badia i, Au ma alona jana nada etongon be i sada sian halakKu.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

AMOS 5:11

Dipisat hamu do halak na pogos jana dirampas hamu dohot gandumna. Hara ni i, nada be ingananmunu angka bagas batumunu na jeges-jeges i na nipajongjongmunu jana nada inumonmunu be anggur na sian kobun anggur na nisuanmunu.

AMOS 5:12

Huboto do sanga songon dia godang ni hajahatanmunu dohot bahat ni dosamunu. Disosak hamu do halak na burju; dijagit hamu do sogok jana dipadiar hamu do dibaen na so tigor tu halak na pogos di paruhuman.

AMOS 8:4

Tangihon ma, hamu angka na mandege-dege halak na pogos, jana na mangagohon halak na dangol di luat on.

MIKA 2:2

Muda por roha ni halahi di sada ladang, dirampas halahi do i. Muda por roha ni halahi di sada bagas, dirampas halahi sajo do i. Muda dung abis hartona dirampas, angka koum sisolkot pe nada be sonang.

MIKA 2:9

Angka dadaboru sian tonga-tonga ni bangsongKu diusir hamu do sian dongan sabagasna na nihaholongan ni rohana, jana dipambuati hamu angka dakdanak ni halahi na songon pasupasungKu hian di halahi sapanjangna.

ZEPANYA 3:3

Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.

SURAT NI SI PAULUS TU PARLAGUTAN ROM 2:24

Songon na tarsurat, “Hara ni hamu do umbaen na marlayas goar ni Debata di tonga-tonga ni angka bangso na asing.”

1 KORINTUS 5:1

Satutuna madung lalu tu au paboahon na adong deba sian hamu marpangalaho na so ture; adong sian hamu na pardadaboruhon na nialap ni amangna. Hape halak na so mananda Tuhan pe nada ra mambaen na songon i!