AMOS 2:6 - BIBEL JAMITA NA DENGGAN

⁶ Songon on ma didok Tuhan, “Hara ni na dung mardosa halak Israel marhite tolu hajahatan lopus tu opat hajahatan nada tarikonKu be haputusanKi, angke digadis halahi do angka halak na tigor hara ni hepeng jana halak na pogos hara ni sapasang solop.

AMOS 2:6 ပူးပေါင်းရင်းမြစ်များ

2 RAJA-RAJA 18:11

Dung i dioban raja Asur ma halak Israel gabe taban tu Asur; dibaen ia ma deba sian halahi di Hala, deba di lambung ni Batang aek Habor di Luat Gosan, jana na deba nari di angka kota na di Luat Madai.

2 RAJA-RAJA 18:12

Madabu pe Samaria, hara ni na so mangoloi do angka halak Israel tu Tuhan, Debata ni halahi, digagai halahi parjanjian na nibaen ni Tuhan dohot halahi jana dilanggar halahi sude parenta ni si Musa naposo ni Tuhan i. Nada ra halahi manangihon dohot mangoloi.

JESAYA 10:2

Songon i ma dalanna dibaen hamu laho paimbar hak dohot hatigoran jana mangarampas sinadongan ni angka na mabalu dohot na so marama so marina.

JESAYA 29:21

na mamuratu mandok halak pardosa, na mambaen jorat tu halak na paingotkon dohot na manyosak halak na tigor markite-hite saksi pargabus.

JEHESKIEL 22:13

Tapi anggo saonnari libasonKu ma angka panangko dohot sibunu jolma.

JOEL 3:3

Marundi ma halahi laho manontuhon sanga ise na patut dapotan angka na tartangkup. Digadis halahi do angka bujing-bujing dohot doli-doli baenon gabe hatoban. Jana dipake halahi ma hepengna i tu dadaboru panggampang dohot minum anggur.

JOEL 3:6

Halak Juda dohot Jerusalem dioban hamu dao sian tanona; dung i digadis hamu tu halak Junani.

ZAKARIA 11:5

Dimatehon angka nampunasa ma angka biri-biri i marroha-roha, jana nada hona uhum halahi. Digadisi halahi ma juhut ni biri-birina i jana didok halahi ma, ‘Nipuji ma da Tuhan! Saonnari madung mamora hita!’ Salangkan angka parmahan i sandiri nada maribo ni roha mida angka biri-biri na niparmahanna i.