AMOS 2:5 - BIBEL JAMITA NA DENGGAN

⁵ Hara ni i, tongosonKu ma api tu Juda jana surbuonna ma lopus abis angka benteng ni Jerusalem.”

AMOS 2:5 ပူးပေါင်းရင်းမြစ်များ

2 RAJA-RAJA 25:9

Disurbu si Nebusaradan ma Bagas Ni Debata, bagas godang ni raja i dohot bagas ni sude halak na sumangap-sangap di Jerusalem.

JEREMIA 17:27

Tarjadi ma sudena i muda dung marpangoloion hamu tu Au jana diparbadia i hamu Ari Sabat i songon ari na mardohonan. Ulang maroban barang bagi aha pe hamu mamolus sian angka horbangan ni Jerusalem anggo di ari i. Muda dilanggar hamu do angka na Huparentahon i, tutungonKu abis angka horbangan ni Jerusalem i dohot angka bagas godang na disi jana nada haintopan api i.’ ”

JEREMIA 21:10

Madung Huputuskon do laho mangaroncohon kota on jana nada adong pangusayangna. Pasahaton noma kota on tu raja Babel; giot surbuonnia kota on lopus abis sudena. Au Tuhan madung mandok songon i.”

JEREMIA 39:8

Disurbu angka halak Babel i muse ma bagas godang ni raja i dohot angka bagas ni rayat lalu diparrumpakkon ma angka tembok ni Jerusalem i.

JEREMIA 52:13

Disurbu si Nebusaradan ma Bagas Ni Debata, bagas godang ni raja i dohot sude bagas ni halak na godang-godang di Jerusalem.

HOSEA 8:14

Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”

AMOS 1:4

Hara ni i tongosonKu ma api tu bagas godang ni Raja Hasael, jana surbuanKu sude angka benteng ni Raja Benhadad.

AMOS 3:11

Hara ni i, hobuhon ni musuna noma tano ni halahi, disarsarkon partahananna, jana dirampas angka bagas godang ni halahi.

AMOS 3:15

RoncohononKu sude angka bagas parangin-anginan di musim ngali dohot musim panas. Marrumpahan ma angka bagas na dipajeges dohot gading; marumpak ma sude bagas na godang.

AMOS 7:4

Huida muse ma sada nari parnidaan sian Tuhan Debata i. Huida ma Ia hatiha markobas laho manguhumi bangsoNia i dohot api. Abis ma laut na di toru ni tano didilat api i jana mamungka ma angka luat dipangan api.