AMOS 2:11 - BIBEL JAMITA NA DENGGAN

¹¹ Hupili do sian angka dakdanakmu gabe panurirang, dohot angka doli-dolimu gabe halak nasir. Nada he tutu songon i, ale halak Israel? Au Tuhan mandok songon i.

AMOS 2:11 ပူးပေါင်းရင်းမြစ်များ

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

1 RAJA-RAJA 18:4

Dompak na nibunu ni si Isebel angka panurirang ni Tuhan, ditolong si Obaja do saratus halak panurirang ni Tuhan, ditabunihon ia halahi di angka liang – lima pulu halak di sada liang – jana dilehen ia panganon dohot inumon ni halahi.)

1 RAJA-RAJA 19:16

Baen muse ma songon i tu si Jehu anak ni si Nimsi anso gabe raja ni Israel ia dohot tu si Elisa anak ni si Safat na sian Abel Mehola i anso gabe panurirang ia manggontihon ho.

1 RAJA-RAJA 20:13

Laing di ombas i, kehe ma sada halak panurirang mandapotkon Raja Ahab jana didok ia ma, “Pandok ni Tuhan, ‘Ulang mabiar ho mida tentara na bahat i! LehenonKu do hamonangan di ho maralohon halahi sadari on, jadi anso diboto ho, Au do Tuhan.’ ”

1 RAJA-RAJA 20:35

Diparentahon Tuhan ma anso disuru sada panurirang donganna panurirang na asing laho mangalipat ia. Hape nada ra donganna i,

1 RAJA-RAJA 20:41

Dibuka panurirang i ma abit pambalut ni bohinia i, gabe ditanda raja i ma ia sada halak panurirang.

1 RAJA-RAJA 22:8

Dialusi si Ahab ma, “Adong dope sada nari, i ma si Mika anak ni si Jimla. Tapi goyak do rohangku mida i, harana na so jungada dope hum saragam panyurirangonnia na denggan tu au; hum na so ture do sude.” “Ulang ma dok songon i!” ning si Josafat.

2 RAJA-RAJA 17:13

Tu halak Israel dohot Juda, disuru Tuhan do angka utusan dohot angka panurirangNia laho palaluhon tona on, “Antak hamu ma na mambaen na jahat jana burju ma oloi hamu parenta dohot uhum na Hulehen tu ompumunu jana na Hupalalu tu hamu markite angka panurirang naposongKi.”

2 RAJA-RAJA 6:1

Sanoli humolos ma angka panurirang na nipasahat tu si Elisa. Didok halahi ma, “Ma sompittu do ingananta on!

2 JUJUR TAON 36:15

Marpupu do nian disuru Tuhan, Debata ni ompu ni halahi angka utusanNa laho paingotkon bangsoNa i, dibaen holong do rohaNia mida halahi dohot BagasNia i.

JEREMIA 11:21

Anggo halak Anatot, giotna mate ma au. Didok halahi do, “Muda sai dipupu ho do palaluhon angka tona ni Tuhan tu hami, bunuonnami noma ho.”

JEREMIA 2:31

O hamu Israel, tangihon ma angka hatangKon. Unjung ma he Au songon padang halongonan maradopkon hamu, sanga songon tano na golap bulita jana na gok parmaraan? Hape biasi didok hamu sai na giot bebas hamu, jana nada ra be mulak mangulahi tu Au?

JEREMIA 2:5

Didok Tuhan, “Hasalaan dia do na dumpang ompumunu di Au, umbaen pola mandao halahi sian Au? Disomba halahi do patung na so marguna na mambaen halahi gabe so marguna?

JEREMIA 26:11

Didok angka malim ma dohot angka panurirang tu angka pamimpin dohot tu rayat i, “Patut do mate bayo on niuhuman, harana diparuar ia do angka hata na mangalo kota on. Hamu sandiri pe, madung mambege.”

JEREMIA 7:25

Mamungka sian na haruar ompumunu sian Mesir lalu tu sadari on sai Husuru do angka naposongKu, angka panurirang tu hamu.

ANDUNG 4:7

Najolo polin do angka pamimpinnami songon hapas na mamontar ias do i. Tohong jana margogo halahi, horas torkis jana jogi-jogi.

MIKA 2:6

Marjamitai angka jolma tu au, mandok, “Ulang be marjamita ho tu hami. Ulang jamitahon sudena i tu hami. Nada ra Debata pailahon hami.

BAENON NI ANGKA RASUL 4:18

Dung i dipiohon halahi ma rasul na dua i masuk mangulahi, jana dipaksa ma halahi na so tola be mandokkon sanga mangajari mamake goar ni Jesus.

BAENON NI ANGKA RASUL 5:28

Ning ia ma, “Nada he hami antahi do hamu, anso ulang be diajarkon hamu taringot tu Goar i. Tapi ligi hamunu ma sanga aha na dung nibaenmunu i! Madung digohi hamu Jerusalem on sude dohot pangajaranmunu, jana giot paporsankononmunu ma mudar ni Bayo i tu hami.”

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.

PANGARATAION 18:18

SuruonKu ma tu halahi sian bangso ni halahi sandiri sada halak panurirang, songon ho, Musa. DokkononKu ma tusia sanga aha dokkononnia, jana palaluonnia ma tu bangso i sandok na Huparentahon.

1 SAMUEL 19:20

Jadi gabe disuru si Saul ma sanga na piga halak suruannia laho manangkup si Daud. Hape diida halahi ma sarombongan panurirang na manortori jana na rap marsurak-surak, na diuluhon ni si Samuel. Jadi gabe digohi Tondi Ni Debata ma angka suruan ni si Saul i, jana gabe dohot muse ma halahi manortori bope marsurak-surak.

1 SAMUEL 3:20

Hara ni i ma dibaen na sude rayat na sian sandok luat i mangoku bahaso anggo si Samuel i sada halak, panurirang ni Tuhan do.