AMOS 2:10 - BIBEL JAMITA NA DENGGAN

¹⁰ Huoban do hamu haruar sian Mesir, jana Hutogu mamolus padang parhorsihan opat pulu taon honokna. Hulehen do di ho tano ni halak Amori gabe tanomu sandiri.

AMOS 2:10 ပူးပေါင်းရင်းမြစ်များ

NEHEMIA 9:21

Salolot opat pulu taon di padang halongonan, dipatuk Ho do di halahi haporluan. Nada sego pakean ni halahi, nada hancit pat ni halahi sanga marbosari.

MASMUR 95:10

Opat pulu taon honokna magigi Au paida-ida halahi, ningKu: Tutu ma antong bangso na so haposan halak on! Nada diampirkon halahi angka na Huparentahon.

HARURUAR 12:51

Di ari i ma dioban Tuhan halak Israel i ruar sian tano Mesir songon sada parangan.

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JEHESKIEL 20:10

Jadi Huoban ma halahi ruar sian Mesir tu parhorsihan.

AMOS 3:1

Tangihon hamu ma tona ni Tuhan on, ale bangso Israel na nioban ni Tuhan haruar sian Mesir. Didok Tuhan do,

AMOS 9:7

Didok Tuhan ma, “Ale halak Israel, Huparrohahon do halak Etiopia laing songon Huparrohahon hamu. Huoban do halak Pilistin sian Kreta dohot halak Siria sian Kir laing songon parobanKu di hamu sian Mesir.

MIKA 6:4

Madung Huoban hamu haruar sian Mesir, jana Hupalua sian parhatobanan; Husuru do si Musa, si Harun dohot si Miryam laho mamimpin hamu.”

BILANGAN 13:32

Dipardokkon angka mata-mata i ma hata gabus di tonga-tonga ni halak Israel taringot tu luat na dung dibolus halahi i. Ning halahi ma, “Nada sadia suha ni luat i, hum di halahi na di luat i pe nada tuk. Angka jolma na hami ida disi halak na ginjang-ginjang situtu.

BILANGAN 21:25

Marhite na songon i madung sude kota ni halak Amori dirampas halak Israel, tarmasuk Hesbon dohot sude kota na menek humaliangna, gabe tinggal disi ma halahi.

BILANGAN 32:13

Muruk do Tuhan i tu halak Israel gabe dipadiar Ia halahi di halongonan i pola opat pulu taon honokna, lopus abis na sansundut na mangalo i marmatean.

BAENON NI ANGKA RASUL 13:18

Sobar do Ia paida-ida pangalaho ni halahi opat pulu taon honokna di halongonan i.

BAENON NI ANGKA RASUL 7:42

Dung i ditadingkon Debata ma halahi jana dipadiar Debata ma halahi manyombai angka bintang na di langit i. Hombar do i tu na tarsurat di buku ni angka panurirang. Songon na tarsurat, ‘Ale hamu halak Israel! Jungada dehe dilehen hamu di Au haul na nitutung sanga haul na nisambol salolot na opat pulu taon di halongonan?

PANGARATAION 1:39

Angka dakdanakmunu na mamenek tu dope laho paasingkon na denggan sian na jat, i ma angka dakdanak na nidokmunu na giot rampason ni angka musumunu, tu halahi noma lehenonKu tano i, jana inganan ni halahi ma i.

PANGARATAION 2:7

Ingot hamu ma sanga songon dia pamasumasu ni Tuhan Debatamunu di hamu di bagasan sasude na nibaenmunu. Madung diparmudu-mudu Ia hamu salolot na madang-adang mamolus parhorsihan na bolak i. Madung didongani Ia hamu di na opat pulu taon on jana dipasingkop Ia sandok na hasaya di hamu.

JOSUA 13:4

Angkon laing sirampason dope: Sude tano Kanaan dohot Meara (tano ni halak Sidon), lopus tu Afek na di parbatasan ni tano ni bangso Amori;

JOSUA 24:8

Dung salpu i, Huoban ma hamu tu tano ni halak Amori na maringanan di Habincaran ni Batang aek Jordan. Dialo halahi hamu marporang, tapi monang do hamu maralohon halahi. Dirampas hamu tano ni halahi jana Hupatimpas halahi di na maju hamu mangaroro halahi.