AMOS 1:9 - BIBEL JAMITA NA DENGGAN

⁹ Didok Tuhan, “Marpupu do mardosa halak Tirus, hara ni i angkon hona uhum halahi Hubaen. Dioban halahi do himpal sada bangso tu habuangan, jana dipasahat halahi tu Edom; dilanggar halahi do parjanjian parale-aleon.

AMOS 1:9 ပူးပေါင်းရင်းမြစ်များ

2 SAMUEL 5:11

Ditongos Raja Hiram na sian Tirus do utusan parboniagaon tu si Daud. Dipasingkop si Hiram do di si Daud hayu sampinur Libanon rap dohot angka tukang hayu dohot angka tukang batu laho pajongjong bagas godang.

MASMUR 83:7

Bangso Gebal, Amon dohot Amalek, bangso Pilistea maradu halak Tirus bage.

JEREMIA 47:4

Madung dapot hatihana patimpason bangso Pilistin sudena, lopus nada dapotan pangurupion be Tirus dohot Sidon. AbiskononKu ma sude halak Pilistin sian Kreta. Au Tuhan na mambaensa.

JEHESKIEL 27:1

Didok Tuhan Debata i ma tu au, “Ale anak ni jolma parsantongkinan, endehon ma sada andung taringot tu Tirus, na maringanan di labuan, jana na marboniaga dohot angka bangso di topi ni laut: Songon on ma hata ni Tuhan Debata, ‘Ale Tirus didok ho: Au ma kapal na sun jeges.’

JEHESKIEL 27:27

Sude barang boniaga muatanmi, sandok parlaut songon i anak buami, sude tukang hayu dohot saudagarmi, ganop tentara na di kapal i, halahi sudena mago bonom, di hatihamu harom.

JEHESKIEL 28:1

Didok Tuhan ma tu au:

JEHESKIEL 28:18

Didok Tuhan, “Ale Tirus, dipahodar ho do angka inganan paribadatanmu hara ni angka hasalaan dohot pangicuonmu di na mandalankon boniagamu. Hututung ho patunda ni i lopus hornop dohot tano. Sude halak na marnida ho hum abu noma idaonna.

AMOS 1:11

Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i. Manigor muruk do halahi jana tongtong marhosom.

AMOS 1:6

Didok Tuhan ma, “Marpupu do mardosa halak Gasa, hara ni i angkon hona uhum halahi baenonKu. Dioban halahi do himpal sada bangso, jana digadis halahi ma i gabe hatoban tu halak Edom.

OBAJA 1:11

Jongjong ho di na dao, di ari pangarorak ni musu di pintu ni Jerusalem laho manaluhon kota i. Hohom sajo do ho di na nioban ni halahi sude sinadongan ni Jerusalem jana dibagi-bagi sudena i di halahi. Sarupa do jahatmu dohot musu i.

ZAKARIA 9:1

On ma tona ni Tuhan dompak tano Hadrak, jana maradian di Damaskus. Harana Tuhan do nampuna angka kota Aram dohot sude angka marga ni Israel.

MATEUS 11:21

“Marjaya situtu ma ho Khorasim, marjaya ma dohot ho ale Betsaida. Sugari di halak Tirus dohot Sidon dibaen tanda hahomangan na nibaen di tonga-tongamunu, ma pola markutondo halahi marsak, marsibaen sirabun tu pamatangna be pataridahon na dung muba roha ni halahi sian angka dosana.

MATEUS 11:22

Tapi Hudok ma tu hamu, ‘Numayang do uhuman na tu kota Tirus dohot Sidon di ari panguhuman i, ulang pado tu hamu!’

LUKAS 10:13

“Marjaya do ho Khorasim! Marjaya do ho ale Betsaida! Sugari di kota Tirus dohot Sidon dipamasa angka hahomangan na di pamasa di tonga-tongamunu pasti madung tibu halahi pauba rohana jana marsak angka jolma na disi di hatiha i.

LUKAS 10:14

Tapi umnayang do uhum na tu Tirus dohot Sidon di ari parpudi ulang pado tu hamu.