AMOS 1:8 - BIBEL JAMITA NA DENGGAN

⁸ PangabisonKu ma angka parkuaso na di Asdod dohot Askelon. UhumanKu kota Ekron, jana marmatean ma sude halak Pilistin na teba i.”

AMOS 1:8 ပူးပေါင်းရင်းမြစ်များ

2 JUJUR TAON 26:6

Marporang ma si Usia mangalo halak Pilistin. Ditolbak ia ma angka tembok ni kota Gat, Jabne dohot Asdod lalu dipajongjong ia ma angka kota na marbenteng di lambung ni Asdod dohot di luat na asing di Pilistin.

MASMUR 81:14

gabe manigor patundukonKu ma musu ni halahi, sude alo ni halahi taluhononKu noma i.

JESAYA 1:25

PalaluonKu noma tu hamu tindakan. Songon halak na papitahon simbora, papitaonKu noma hamu; sude na hodar, buatonKu ma sian hamu.

JESAYA 20:1

Domu tu parenta ni si Sargon raja ni Asur, diroro panglima ni tentara Asur ma mamorangi Asdod, sada kota ni Pilistin.

JEREMIA 47:1

Taran so diporangi raja Mesir dope Gasa mangkuling ma Tuhan tu au salaho tu tano Pilistin.

JEHESKIEL 25:16

Hara ni i pabotohononKu ma paboa na giot serangonKu noma angka halak Pilistin jana abiskononKu halahi. BunuonKu sandok jolma na maringanan di luat na di topi ni laut di tano Pilistin.

JOEL 3:4

Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.

AMOS 1:7

Hara ni i tongosonKu ma api tu angka tembok ni kota Gasa, jana surbuonKu sude angka bentengna.

AMOS 3:9

Pabotohon ma on tu angka jolma na maringanan di bagas godang ni Mesir dohot Asdod, “Marlagut ma hamu di angka dolok na humaliang Samaria, jana pamanat hamu ma hasursaran godang dohot angka hajahatan na dipambaeni disi.”

OBAJA 1:18

Pomparan ni si Jakob ma songon api jana pomparan ni si Josep ma songon jilam ni api. Tapi pomparan ni si Esau i ma na gabe songon gandum tutungon, jana panganon ni halahi ma i sude lopus abis, jana umpe sahalak na malua sian pomparan ni si Esau, angke Tuhan do na mandok songon i!

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

ZAKARIA 9:5

Idaon ni halak Askelon ma i dohot Gasa jana gabe mabiar ma halahi. Laing idaon ni Ekron ma i jana mago ma sude arop ni rohana. Agoan raja ma Gasa, jana Askelon gabe maronco nada adong na mangingani.

ZAKARIA 9:6

“Inganan ni angka anak gampang ma Asdod jana abiskononKu ma hagodangan ni halak Pilistin.

1 SAMUEL 6:17

Marhite na songon i madung ditongos halak Pilistin haul panobus dosa tu Tuhan di halak na mangingani kota na lima na niparenta ni raja Pilistin na lima i. I ma angka kota: Asdod, Gasa, Askelon, Gat dohot Ekron.