AMOS 1:5 - BIBEL JAMITA NA DENGGAN

⁵ SegohononKu angka pintu horbangan ni Damaskus jana paorotonKu halak na tinggal di Rura Awen sian inganan ni halahi. PaijuronKu sian habangsana parkuaso na di Bet-Eden, jana halak Siria tabanon lalu dioban tu Luat Kir.”

AMOS 1:5 ပူးပေါင်းရင်းမြစ်များ

2 RAJA-RAJA 14:28

Barita na asing taringot tu Raja Jerobeam II, taringot tu habetengonnia di angka parporangan bope sanga songon dia dibaen ia mangarampas Damaskus dohot Hamat di halak Israel, sudena i madung disuratkon di Buku Sejarah Ni Raja-raja Israel.

2 RAJA-RAJA 16:9

Dioloi Raja Tiglat-Pileser do pangidoan ni si Ahas i, diroro ia ma kota Damaskus lalu dirampas ia. Dioban ia ma halak kota i tu Kir gabe taban, jana dibunu ia ma anggo Raja Resin.

JESAYA 22:6

Madung ro Elam marsinjatahon sior dohot pana, jana tentara ni Siria pe madung ro markudo dohot markareta, dohot tentara ni Kir mambuka parincena.

JESAYA 43:14

On ma na nidok ni Tuhan napalua hamu, Debata Na Badia ni Israel, “Hara ni hamu, Hualo Babel marhite na manongos tentara, Huonjarkon angka palang ni pintu ni hurunganna, jana sora siriaonna Hupauba gabe partangisonna.

JESAYA 8:4

Harana painte so tuk umur ni dakdanak i laho mandok ‘Amang’ dohot ‘Inang’, sasude sinadongan ni Damaskus dohot sude barang na nirampas ni Samaria, haldungon ni raja Asur ma i.”

JEREMIA 50:36

Angkon bunuon sude angka panurirang ni Babel, angke pargabus do halahi jana na oto. Tentara ni Babel pe angkon laing bunuon do; mabiar do halahi sudena.

JEREMIA 51:30

Madung maradian tentara ni Babel marporang jana di angka benteng noma halahi tinggal. Ma pola mago habaranion ni halahi jana nada be margogo. Madung hona onjar angka pintu ni horbangan, jana disurbui angka bagas.

ANDUNG 2:9

Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

JEHESKIEL 27:23

Kota Haran pe, Kane, Eden angka parboniaga na sian Seba, angka kota ni Asur dohot Kilmad, marboniaga do i sude dohot ho.

JEHESKIEL 30:17

Marmatean ma panganon ni porang angka doli-doli ni kota Heliopolis dohot Bubastis, jana tangkuponna ma angka dadaboru.

HOSEA 10:8

Angka bagas pamelean na di angka tor Awen inganan pamelean ni halak Israel, roncohonon noma i. Martubuan ma duhut dohot duri di langgatan ni halahi i. Dung i marsurak ma halahi pio-pio tu angka dolok, “Ondingi ma hami!” dohot tu angka tor, “Dondoni ma hami!”

AMOS 5:5

Ulang hamu kehe tu Berseba laho marsomba. Ulang jalahi hamu Au di Betel, angke na laho mago do Betel. Ulang kehe muse hamu tu Gilgal, angke na giot obanon do halak kota i tu habuangan.”

AMOS 9:7

Didok Tuhan ma, “Ale halak Israel, Huparrohahon do halak Etiopia laing songon Huparrohahon hamu. Huoban do halak Pilistin sian Kreta dohot halak Siria sian Kir laing songon parobanKu di hamu sian Mesir.

NAHUM 3:13

Gale-gale do angka paranganmu songon dadaboru jana harajaonmu saotik pe nada adong geldokna mangadopi musu. Panganon ni api ma sude angka goruk-goruk ni pintu ni horbanganmu.