AMOS 1:4 - BIBEL JAMITA NA DENGGAN

⁴ Hara ni i tongosonKu ma api tu bagas godang ni Raja Hasael, jana surbuanKu sude angka benteng ni Raja Benhadad.

AMOS 1:4 ပူးပေါင်းရင်းမြစ်များ

1 RAJA-RAJA 19:15

Didok Tuhan ma, “Mulak ma ho tu parhorsihan na di lambung ni Damaskus, usehon ma miak tu si Hasael songon tanda na niangkat ia gabe raja ni Siria.

2 RAJA-RAJA 13:25

Jadi ditaluhon si Joas raja ni Israel i ma si Benhadad tolu noli jana dibuat ia ma mangulahi angka kota na nirampas ni si Benhadad di hatiha ni Raja Joahas amang ni si Joas mamarenta.

2 RAJA-RAJA 13:3

Jadi gabe muruk ma Tuhan tu Israel, jana dipadiar Tuhan ma sanga piga-piga noli ro si Hasael raja ni Siria dohot anakna si Benhadad manaluhon Israel.

2 RAJA-RAJA 6:24

Dung adong sadia honok, ro ma si Benhadad raja ni Siria maroban sandok tentarania laho mamorangi Israel. Dihobuk halahi ma kota Samaria

2 JUJUR TAON 16:2

Gabe dibuat Raja Asa ma sere dohot perak sian Bagas Ni Tuhan dohot sian bagas godang ni raja i, lalu ditongoskon ia tu Damaskus tu si Benhadad raja ni Siria mardongan tona songon on,

JEREMIA 17:27

Tarjadi ma sudena i muda dung marpangoloion hamu tu Au jana diparbadia i hamu Ari Sabat i songon ari na mardohonan. Ulang maroban barang bagi aha pe hamu mamolus sian angka horbangan ni Jerusalem anggo di ari i. Muda dilanggar hamu do angka na Huparentahon i, tutungonKu abis angka horbangan ni Jerusalem i dohot angka bagas godang na disi jana nada haintopan api i.’ ”

JEREMIA 49:27

Husurbu angka tembok ni Damaskus jana angka bagas godang ni Raja Benhadad Hubaen gabe tiranggong. Au Tuhan Na Markuaso, mandok songon i.”

JEHESKIEL 30:8

Jadi muda Husurbu Mesir jana Hubunu sude donganna i, botoon ni halahi ma bahaso Au do Tuhan.”

JEHESKIEL 39:6

PamasaonKu ma api di tano Magog dohot di angka topi ni laut, na niinganan ni halak di bagasan sonang. Jadi botoon ni halahi sude ma Au do Tuhan.

HOSEA 8:14

Dipajongjong halak Israel angka bagas godang hape lupa halahi tu Panompa ni halahi. Dibangun halak Juda angka kota na marbenteng, hape paijuronKu ma api laho manyurbu lopus abis angka bagas godang dohot angka kota ni halahi i.”

AMOS 1:10

Hara ni i tongosonKu ma api tu angka tembok ni kota Tirus, jana surbuonKu sude angka bentengna i.”

AMOS 1:12

Hara ni i tongosonKu ma api tu kota Teman jana surbuonKu lopus abis angka benteng ni Bosra.”

AMOS 1:14

Hara ni i, tongosonKu ma api tu angka tembok ni kota Raba, jana surbuonKu lopus abis angka bentengna i. Tarbege ma disi hagaoron ni sora ni porang, jana mur jebu ma porang i songon pangalingkup ni ombak.

AMOS 1:7

Hara ni i tongosonKu ma api tu angka tembok ni kota Gasa, jana surbuonKu sude angka bentengna.

AMOS 2:2

Hara ni i tongosonKu ma api tu tano Moab jana surbuonna sude angka benteng ni Keriot lopus abis. Marmatean ma halak Moab di tonga-tonga ni hagaoron ni porang, di na mangkuling sarune jana taran disurakkon tanda ni parporangan.

AMOS 2:5

Hara ni i, tongosonKu ma api tu Juda jana surbuonna ma lopus abis angka benteng ni Jerusalem.”

HAKIM-HAKIM 9:57

Jana diuhumi Tuhan do halak Sikem hara ni hajahatan ni halahi i. Topet do antong songon na nidok ni si Jotam anak ni si Gideon i taringot tu halahi di na nisumpaannia halahi.