AMOS 1:3 - BIBEL JAMITA NA DENGGAN

³ Didok Tuhan ma, “Marpupu do halak Damaskus mardosa, hara ni i angkon hona uhum halahi Hubaen. Santak do kejamna pambaen ni halahi tu halak Gilead.

AMOS 1:3 ပူးပေါင်းရင်းမြစ်များ

1 RAJA-RAJA 19:17

Sanga ise na so hona bunu dibaen si Hasael, bunuon ni si Jehu ma, jana angka na malua sian si Jehu bunuon ni si Elisa ma.

2 RAJA-RAJA 13:3

Jadi gabe muruk ma Tuhan tu Israel, jana dipadiar Tuhan ma sanga piga-piga noli ro si Hasael raja ni Siria dohot anakna si Benhadad manaluhon Israel.

2 RAJA-RAJA 13:7

Dibunu raja Siria i do bangso Israel, jabat do hum lima pulu tentara na markudo tinggal, hum sampulu kareta porang jana hum sampulu ribu halak sajo noma parajurit sian tentara ni si Joahas.

2 RAJA-RAJA 16:9

Dioloi Raja Tiglat-Pileser do pangidoan ni si Ahas i, diroro ia ma kota Damaskus lalu dirampas ia. Dioban ia ma halak kota i tu Kir gabe taban, jana dibunu ia ma anggo Raja Resin.

2 RAJA-RAJA 8:12

“Biasi tangis tuan i?” ning si Hasael manyapai. “Angke huboto do hajahatan na giot baenonmu tu halak Israel,” ning si Elisa. “Giot surbuonmu ma angka kotana na martembok, bunuonmu ma angka halak na poso na jumogi, pingkohanmu ma angka dakdanak na baru sorang jana bolaanmu ma butuha ni angka ina na denggan pamatangna.”

JOB 19:3

Mulak-ulak sai dipahancit hamu rohangku, jana sai dipahanciti hamu au so mamboto malu.

JOB 5:19

Muda ro mara pangondam, sai na marpupu do ho nipalua.

PODA 6:16

Adong do pitu parkaro goyak ni roha ni Tuhan jana na so tarpadiar Ia: Tabiat na sombong. Pamangan pargabus. Tangan na mamunu halak na so marsala. Utok-utok na mambaen sangkap na jahat. Pat na mopop kehe tu hajahatan. Saksi na sai torus margabus, dohot halak na patubu-tubu parbadaan di tonga-tonga ni dongan.

PARJAMITA 11:2

Lehenma bagian i tu pitu sanga tu salapan halak, angke porlu do jamot-jamot halak, painte so masa hasusaan.

JESAYA 28:27

Nada unjung dipake ia pukul-pukul na dokdok laho manduda batu ni jintan na bontar sanga pe na lomlom i. Tungkot na nayang boti na menek do dipake ia tusi.

JESAYA 41:15

Hubaen do ho gabe songon rapan-rapan, papan pardege na margarigi na tajoman. Dirabi ho angka dolok jana diluntak ho, angka tor gabe guapak dibaen ho.

JESAYA 7:16

Harana painte so diboto anak i manulak na jat bope mamili na denggan anggo luat ni raja na dua na nihabiaranmi, gabe tarulang noma i.

JESAYA 7:8

harana Damsik i ma kota sabungan ni Aram, jana Resin i ma raja ni Damsik. Di bagasan onom pulu lima taon on, mabola ma Efraim jana nada gabe bangso be.

JESAYA 8:4

Harana painte so tuk umur ni dakdanak i laho mandok ‘Amang’ dohot ‘Inang’, sasude sinadongan ni Damaskus dohot sude barang na nirampas ni Samaria, haldungon ni raja Asur ma i.”

AMOS 1:11

Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i. Manigor muruk do halahi jana tongtong marhosom.

AMOS 1:13

Didok Tuhan, “Marpupu do mardosa halak Amon, hara ni i angkon hona uhum halahi baenonKu. Di na marporang halahi laho pabidang tano ni halahi, dilapa halahi do angka ina na denggan pamatangna di Gilead.

AMOS 1:6

Didok Tuhan ma, “Marpupu do mardosa halak Gasa, hara ni i angkon hona uhum halahi baenonKu. Dioban halahi do himpal sada bangso, jana digadis halahi ma i gabe hatoban tu halak Edom.

AMOS 1:9

Didok Tuhan, “Marpupu do mardosa halak Tirus, hara ni i angkon hona uhum halahi Hubaen. Dioban halahi do himpal sada bangso tu habuangan, jana dipasahat halahi tu Edom; dilanggar halahi do parjanjian parale-aleon.

AMOS 2:1

Songon on ma didok Tuhan, “Hara ni na dung mardosa halak Moab marhite tolu hajahatan, lopus tu opat hajahatan, nada tarikonKu be haputusanKi, angke madung ditutungi halahi holi-holi ni Raja Edom gabe hapur.

AMOS 2:4

Songon on ma didok Tuhan, “Hara ni na dung mardosa halak Juda marhite tolu hajahatan lopus tu opat hajahatan, nada tarikonKu be haputusanKi. Dilaosi halahi do angka parenta ni Tuhan, jana nada dimomosi halahi haputusanNia. Lilu do halahi dibaen angka debata na nisomba ni angka ompu ni halahi.

AMOS 2:6

Songon on ma didok Tuhan, “Hara ni na dung mardosa halak Israel marhite tolu hajahatan lopus tu opat hajahatan nada tarikonKu be haputusanKi, angke digadis halahi do angka halak na tigor hara ni hepeng jana halak na pogos hara ni sapasang solop.

ZAKARIA 9:1

On ma tona ni Tuhan dompak tano Hadrak, jana maradian di Damaskus. Harana Tuhan do nampuna angka kota Aram dohot sude angka marga ni Israel.

ZAKARIA 9:2

Hamat na marbalok dohot Hadrakh laing nampunaNia do i, songon i muse kota Tirus dohot Sidon haru pe na mansai pistar do halahi.