AMOS 1:2 - BIBEL JAMITA NA DENGGAN

² Didok ia, “Marngaur Tuhan sian Dolok Sion. Mangaronggur soraNia sian Jerusalem. Hiang ma angka duhut di padang, duhut pe di Dolok Karmel maradu mahiang.”

AMOS 1:2 ပူးပေါင်းရင်းမြစ်များ

MASMUR 29:4

Gok hagogoan do sora ni Tuhan, sora ni Tuhan gok hakuasoon.

MASMUR 46:6

Mangaronggur Debata, gabe malantuk ma portibi on, gaor ma angka bangso, mardabuan ma angka harajaon.

PODA 20:2

Muruk ni raja songon pangorong ni babiat do, barang ise na mangalapi muruk ni raja na mambaen parmaraan do i tusia.

JESAYA 33:9

Ditadingkon ma luat gabe mamolngit. Malos ma angka tombak Libanon, Rura Saron na napu i gabe songon padang halongonan. Mardabuan angka bulung-bulung ni hayu na di Basan dohot Dolok Karmel.

JESAYA 35:2

Parhorsihan martumburi maradu manyarmak, marhujingjang marlogu na riang-riang. Songon Dolok Libanon jegesna, tudos tu Rura Karmel dohot Saron parnapuna. Gabe tatapon ni halak ma sudena kuaso ni Tuhan dohot hagodangan ni Debatanta.

JESAYA 42:13

Ruar do Tuhan marporang songon ulubalang, madung hobas Ia, gogo do rohaNia laho marporang. Digora Ia ma pio-pio di parporangan, patuduhon kuasoNia di paraloan.

JEREMIA 12:4

Sadia honok nari mahiang luat on jana malos duhutna i di sandok ladang? Marmatean angka unggas dohot binatang na asing i patunda ni hajahatan ni bangsonami. Didok halahi, “Nada diida Debata pambaenanta.”

JEREMIA 14:2

“Marsak ma roha ni Juda giot mate ne noma angka kotana. Marpayahan di tano angka halakna jana humolos be rohana. Pio-pio Jerusalem mangido diurupi.

JEREMIA 25:30

“Sude na Hupardokkoni i tu ho ale Jeremia, angkon palaluonmu do i. Dokkon tu halahi: ‘Mangaronggur do sora ni Tuhan sian banua ginjang; matuoror do Ia tu bangsoNia na mangalo i. Dibege halak na satano on do Ia manyonggak songon parkarejo na mamoro anggur di pangilangan.

JEREMIA 28:8

Na dung dilumbahon angka panurirang hian do taran so adong dope hita, na giot masa parporangan, tangkuraparon dohot nyae ro tu bahat bangso dohot harajaan na gogo-gogo.

JEREMIA 50:19

PaulahonKu noma halak Israel tu tano ni halahi. Panganon ni halahi ma suha ni tano na sian Dolok Karmel dohot tano Basan. Butongan ma halahi marhite suha ni tano na sian Luat Efraim dohot Gilead.

HOSEA 11:10

Didok Tuhan ma, “Ihutkonon ni bangsongKu ma Au muda marngaur Au songon singa jana mambaen mabiar musu ni halahi. Manigor tibu do bangsongKi ro mandapotkon Au sian Hasundutan.

HOSEA 13:8

ParsurageonKu ma hamu songon gompul na agoan anak. Sibak-sibahonKu ma hamu. Songon singa, giot polgakonKu hamu di ingananmunu, jana songon binatang panyoro parsurageonKu ma hamu.”

JOEL 1:19

Tu Ho do au mangido tolong ale Tuhan, angke langa do padang na harsang jana halongonan; angka hayu pe mahiang marmatean mosok songon na niapian.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

AMOS 9:3

Muda martabuni halahi di puncu ni Dolok Karmel, jalahanKu jana tangkuponKu halahi. Muda martabuni halahi tu toru ni laut adu i, parentahononKu do naga laut laho manurbing halahi.

NAHUM 1:4

Diondam Ia laut jana dipahiang Ia, sude batang aek di pahiang Ia. Gabe harsang Dolok Karmel dohot angka padang na di Basan jana di Libanon malos ma sude angka bunga.

1 SAMUEL 25:2

Di hatiha i adong do sada bayo di Maon, nampuna usaho di lambung kota Karmel. Na kayo do ia jana adong do tolu ribu biri-birinia dohot hambengnia saribu. Sanoli manggusting imbulu ni biri-birina do ibana di Karmel.