Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




AMOS 1:12 - BIBEL JAMITA NA DENGGAN

12 Hara ni i tongosonKu ma api tu kota Teman jana surbuonKu lopus abis angka benteng ni Bosra.”

အခန်းကိုကြည့်ပါ။ ကော်ပီ




AMOS 1:12
14 ပူးပေါင်းရင်းမြစ်များ  

Madung mangamuk podangKu di langit, jana saonnari honaan ni podang i ma bangso Edom na hona uhum i jana abiskonon noma i.


Marlapu-lapu mudar dohot tabo-tabo do podang ni Tuhan, i ma mudar dohot tabo-tabo ni pahan-pahanan na nihaulkon. Pasingkopon ni Tuhan ma haul di Bosra, jana pamasaonNia ma pambantean marabis-abis di tano Edom.


“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”


Husumpahon mangasahon goarKu sandiri, anggo kota Bosra gabe inganan na jorbut noma i na nitadingkon ni halak. Partataan ni halak ma i jana baenonna goarna i gabe bura. Sude angka huta na menek na humaliang i gabe tinggal sego-segona noma i sapanjangna. Au Tuhan, madung mandok songon i.”


Hara ni i, tangihon ma sanga aha na Husangkaphon maradopkon halak Edom, dohot na giot baenonKu tu kota Teman. Angka dakdanak ni halahi pe saratonna do kehe, jana mabiar be ma halak sudena.


Songon halihi na habang, songon i ma panyoro ni musu i tu Bosra. Di ari i, mangae ma tentara ni Edom songon dadaboru na giot hipas.”


On ma na nidok ni Tuhan Na Markuaso salaho tu Amon, “Adong he na so tarbaen halak Edom be marpikir torang? Adong he na so dilehen angka panuturi ni halahi be sipaingot tu halahi?


Hara ni i Hubaen boa-boa na giot uhumanKu Edom jana bunuonKu ganop jolma dohot sandok pahan-pahanan na adong disi. Mamolngit baenonKu sude tano i, sian kota Teman lopus tu kota Dedan; marmatean ma halahi hara ni podang.


On ma parnidaan ni si Obaja; dipalalu ia do tona ni Tuhan Na Gumincat i taringot tu bangso Edom: Ditongos Tuhan ma angka suruanNa tu angka bangso, jana hubege do tona na niobanna i, “Markobas ma hamu marporang! Beta ma hita mamorangi Edom.”


Ro do Debata sian Luat Teman, jana Na Sun Badia sian Dolok Paran. Ditutupi hamuliaonMu do langit; tano on gok puji-pujian di goarMu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ