AMOS 1:10 - BIBEL JAMITA NA DENGGAN

¹⁰ Hara ni i tongosonKu ma api tu angka tembok ni kota Tirus, jana surbuonKu sude angka bentengna i.”

AMOS 1:10 ပူးပေါင်းရင်းမြစ်များ

JEREMIA 47:4

Madung dapot hatihana patimpason bangso Pilistin sudena, lopus nada dapotan pangurupion be Tirus dohot Sidon. AbiskononKu ma sude halak Pilistin sian Kreta. Au Tuhan na mambaensa.

JEHESKIEL 26:12

Rampason ni angka musumi ma sandok sinadonganmu dohot jagalanmu. Parrumpakkonon ni halahi ma angka tembokmu jana sego-segoonna angka bagasmu na jeges i. Pambuatan ni halahi ma angka batuna i, angka papanna dohot tanona jana ambungkonon ni halahi tu laut.

JEHESKIEL 26:4

Sarsarkonon ni halahi ma angka tembokmu jana rumpakkononna ma angka palas-palasmu. Sude tano na adong disi paisonKu noma i, hum sada batu na mahiang sajo noma na tading di tonga laut.

JEHESKIEL 28:18

Didok Tuhan, “Ale Tirus, dipahodar ho do angka inganan paribadatanmu hara ni angka hasalaan dohot pangicuonmu di na mandalankon boniagamu. Hututung ho patunda ni i lopus hornop dohot tano. Sude halak na marnida ho hum abu noma idaonna.

JOEL 3:4

Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.

AMOS 1:4

Hara ni i tongosonKu ma api tu bagas godang ni Raja Hasael, jana surbuanKu sude angka benteng ni Raja Benhadad.

AMOS 1:7

Hara ni i tongosonKu ma api tu angka tembok ni kota Gasa, jana surbuonKu sude angka bentengna.

ZAKARIA 9:4

Baenon ni Tuhan ma marpogos kota i. Lalu ambungkonoNia ma sude sinadongan ni kota i tu bagasan laut jana kota i sandiri abis panganon ni api.