AMOS 1:1 - BIBEL JAMITA NA DENGGAN

¹ Hata salaho tu si Amos, sada halak parmahan sian kota Tekoa, taringot tu Israel di hatiha Raja Usia mamarenta di tano Juda jana Raja Jerobeam anak ni si Joas mamarenta di Israel, dua taon painte so ro lalo.

AMOS 1:1 ပူးပေါင်းရင်းမြစ်များ

2 SAMUEL 14:2

jadi gabe disuru alap ia ma sada anakboru na pistar na maringanan di Tekoa. Dung lalu anakboru i, didok si Joab ma tusia, “Angkon baenonmu tarsongon na marsak-marsak ho; pake ma pakean siluluton jana ulang pake miak na huskus. Baen ma songon sada anakboru na dung lolot tangis hara ni parmate ni haholongan ni rohana.

1 RAJA-RAJA 19:19

Jadi kehe ma si Elia jana didapot ia si Elisa di ladangna na topet manjajar mamake lombu dua bolas pasang. Si Elisa sandiri dohot do manjajar mamake pasangan na parpudi i. Dompak na mamolus i si Elia di lambung ni si Elisa, ditalduskon si Elia ma baju jubania i jana dipahorbang ia ma tu abara ni si Elisa.

2 RAJA-RAJA 14:23

Di taon palima bolaskon mamarenta si Amasia di Juda, gabe raja ma si Jerobeam II anak ni si Joas di Israel jana opat pulu sada taon honokna ia mamarenta di Samaria.

2 JUJUR TAON 11:6

kota Betlehem, Etam, Tekoa,

2 JUJUR TAON 20:20

Ancogotna i sogot sajo dope, ruar ma rayat i jana kehe ma halahi tu luat halongonan na di lambung ni Tekoa. Di na laho kehe halahi, jolo didok si Josafat ma sipaingot songon on, “Hamu angka rayat ni Juda dohot Jerusalem! Porsaya ma hamu tu Tuhan Debatamu, gabe margogo ma hamu martahan. Jagit hamu ma angka sipaingot sian panurirangmunu, gabe manjadi ma hamu!”

HARURUAR 3:1

Di sada ari dompak diparmahan si Musa angka biri-biri dohot hambeng ni si Jetro, tulangnia malim di tano Midian i, jana hatiha mangolat pahan-pahanan i ia tu bariba ni halongonan, lalu ma ia tu Dolok Sinai, i ma dolok na badia.

JESAYA 1:1

Marisi angka tona do buku on salaho tu Juda dohot Jerusalem na nipatorang ni Debata tu si Jesaya, anak ni si Amos, di hatiha ni si Usia, si Jotam, si Ahas dohot si Hiskia mamarenta di Juda.

JEREMIA 1:1

On ma angka hata ni si Jeremia anak ni si Hilkia, sahalak sian malim di kota Anatot na di Luat Benyamin.

JEREMIA 28:8

Na dung dilumbahon angka panurirang hian do taran so adong dope hita, na giot masa parporangan, tangkuraparon dohot nyae ro tu bahat bangso dohot harajaan na gogo-gogo.

JEREMIA 6:1

Kehe ma hamu mangungsi, hamu halak Benyamin! Tadingkon hamu ma Jerusalem! Palu hamu ma sarune di Tekoa, jana pagara hamu ma api mangalehen tanda di Bet-Kerem! Ro ma parmaraan dohot hamamago sian Utara.

JEREMIA 7:27

Dung i didok Tuhan ma tu si Jeremia, “Hara ni i ale Jeremia, haru pe dipaboa ho sudena i tu bangsongKu, nada na ra halahi mamparrohahon angka hata na nidokmi. Haru pe halahi dipiohon nada ra halahi mangalusi i.

HOSEA 1:1

On ma tona na nilehen ni Tuhan tu si Hosea anak ni si Beeri taran marudut-udut Juda diparenta angka raja, si Usia, si Jotam, si Ahas, dohot si Hiskia, jana Israel diparenta si Jerobeam anak ni si Joas.

AMOS 7:14

Dialusi si Amos ma, “Nada hara ni jabatan umbaen na gabe panurirang au. Anggo satutuna parmahan dohot pamutik-mutik ni batu ni ara do au.

MIKA 1:1

Marasal sian sada kota na menek do si Mika i ma sian kota Moreset. Di na marudut-udut mamarenta di Juda Raja Jotam, Raja Ahas dohot Raja Hiskia, disi ma dilehen Tuhan tonaNia tu si Mika taringot tu Samaria dohot Jerusalem.

ZAKARIA 14:5

Marlojongi ma hamu mamolus sian lombang na mambagi dolok i gabe marbola dua. Marlojongi ma hamu songon angka ompu na umpompar hamu di hamamasa ni lalo taran mamarenta si Usia raja ni Juda. Jadi ro ma antong Tuhan Debatangku, diudurkon Surusuruan sudena.

MATEUS 4:18

Dompak mardalan Jesus di topi ni Dano Galilea, diida Ia ma dua halak parihan. Markaha-maranggi do halahi na dua. I ma si Simon (na margoar muse si Petrus) dohot angginia si Andreas. Hatiha manangkup ihan do halahi, angke marihan do karejo ni halahi.

1 KORINTUS 1:27

Angke sangajo do dipili Debata angka na oto didok portibi on, anso gabe maila angka halak na pistar i. Jana dipili Debata muse do angka na gale ninna portibi on, anso maila angka halak na gogo.