3 JOHANNES 1:7 - BIBEL JAMITA NA DENGGAN

⁷ Dibaen hara ni goarNia do kehe halahi, jana nada dijagit halahi bagi aha pe sian angka halak na so mananda Debata.

3 JOHANNES 1:7 ပူးပေါင်းရင်းမြစ်များ

JOHANNES 15:21

Baenon ni halahi ma sudena i tu hamu, hara ni na siseanKu hamu harana nada ditanda halahi sanga ise na marsuru Au.

BAENON NI ANGKA RASUL 20:33

Nada jungada dipangido rohangku hepeng bope pakean sanga na sian ise pe.

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

BAENON NI ANGKA RASUL 5:41

Morot ma halahi sian rapot ugamo i mardongan jop ni roha, harana na dung dietong roha ni halahi do patut marlayas hara ni Jesus.

BAENON NI ANGKA RASUL 8:4

Dijamitahon halak na porsaya na marserak i ma Jamita Na Denggan na sian Debata i di sude inganan.

BAENON NI ANGKA RASUL 9:16

Jana patuduhononKu do tusia angka sitaonon na giot taononnia hara ni Au.”

1 KORINTUS 9:18

Antong, aha ma upa di au? On ma upana: Tarjamitahon au do Jamita Na Denggan i so pola adong halak na asing hupadokdok laho mambalanjoi au, hara ni na so ra au manuntut bagianku songon parjamita ni Jamita Na Denggan i au.

2 KORINTUS 12:13

Taringot tu aha ma he na hurang nipardulihon hamu, muda nipartimbangkon tu angka parlagutan na asing, asing ni sasada on, i ma bahaso au sandiri nada gabe boban tu hamunu. Anju hamu ma au di hasalaanki!

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

PILIPPI 2:9

Hara ni i ma umbaen na nipatuginjang ni Debata Ia sagincat-gincatna, jana dilehen tuSia goar na gumodang sian sandok goar na asing.

KOLOSSE 1:24

Saonnari jop do rohangku manaon parkancitan laho pasari-sari hamu. Angke hara ni sitaonon na adong di pamatangkon, hupaujung do sanga aha dope na angkon taonon ni Kristus hara ni parlagutanNia i, i ma pamatangNia i.

3 JOHANNES 1:8

Antong, tama do tajagit halak na songon i, anso gabe dongan saparkarejoan ni halahi hita di hasintongan i.

HALUMBAAN 2:3

Huboto do na sobar hamu dohot na manaon parkancitan hara ni goarKu, hape laing nada pola mandele hamu.