3 JOHANNES 1:5 - BIBEL JAMITA NA DENGGAN

⁵ Ale dongan na huhaholongi! Na burju do ho di pambaenanmu na nibaenmi tu angka dongan dohot tu angka halak na asing.

3 JOHANNES 1:5 ပူးပေါင်းရင်းမြစ်များ

MATEUS 24:45

“Antong ise ma naposo na burju jana na marroha, na niangkat ni tuanna gabe kapala ni sude naposonia na asing i; anso dilehen ia mangan angka naposonia i di hatihana?

MATEUS 25:16

Jadi kehe ma manigor naposo na manjagit lima ribu i, marjagal. Gabe maruntung muse ma ia lima ribu hepeng perak.

LUKAS 12:42

Dialusi Jesus ma, “Ise ma he naposo na burju jana na marroha i! I ma da naposo na nisuru ni tuanna gabe pangarajai di angka naposo na asing i laho mangalehen halahi mangan di hatiha na ditontuhon.

BAENON NI ANGKA RASUL 1:15

Disada hatiha marlagut ma halahi, – hira-hira saratus dua pulu halak ma na ro i – jongjong ma si Petrus mandok hata. Ning ia ma,

SURAT NI SI PAULUS TU PARLAGUTAN ROM 12:13

Urupi hamu ma na patukkon haporluan ni angka halak na porsaya tu Debata jana sonang ma rohamunu manjagit haroro ni halahi tu bagasmunu.

GALATIA 6:10

Jadi salolot adong dope hatiha di hita, angkon sangahononta do mambaen na denggan tu sude halak, lumobi tu angka donganta sahaporsayaan.

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

IBRANI 13:2

Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.

3 JOHANNES 1:10

Muda ro au bagi na andigan, hataanku do taringot tu pambaenannia, i ma taringot tu angka pangalaho na jat dohot gabus na nihatahonnia taringot tu hami! Tapi nada tuk dope i disia. Dompak na ro angka dongan Kristen i, nada ra ia manjagitsa. Diantahi ia muse dope halak na ra manjagit angka dongan i jana disuru ia anso morot halahi sian parlagutan i.

3 JOHANNES 1:3

Jop sajo do rohangku di parlalu ni angka deba dongan na paboahon taringot tu ngolumunu na tongtong di bagasan hasintongan, jana tutu do ho sai mardalan di bagasan hasintongan.