3 JOHANNES 1:2 - BIBEL JAMITA NA DENGGAN

² Hutangiangkon do anso denggan nian sasudena boti anso laing horas torkis ho nian, laing songon na huboto i na denggan do ngolu partondionmu.

3 JOHANNES 1:2 ပူးပေါင်းရင်းမြစ်များ

MATEUS 9:12

Dibege Jesus do na nisapaan ni halahi i gabe dialusi Ia ma, “Inda adong guna ni pangubati di na torkis. Di na marnyae do i.

PILIPPI 2:27

Tutu do ia na marnyae, jabat giot mate. Tapi ibo do roha ni Debata disia, jana nada hum tusia sajo, tapi dohot do tu au, anso ulang mur martamba be arsakku.

PILIPPI 2:4

Ulang hum na mamikirkon dirina sajo hamu; angkon laing pikirkononmunu do haporluan ni dongan na asing.

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

2 TESSALONIKA 2:13

Hamu angka dongan na nihaholongan ni Tuhan! Angkon sai tongtong do mandok tarimakasi hami tu Debata hara ni hamu, angke sian mulana madung dipili Debata hian hamu gabe halak sipaluaon. Sian parkarejoan ni Tondi Parbadia, di tonga-tongamunu do sudena i tarjadi laho mambaen hamu gabe halak na ias di Debata, boti hara ni haporsayaanmunu tu jamita na tutu i na sian Debata.

JAKOBUS 5:12

Anggo na ummarga hamu angka dongan, on do: Ulang hamu marsumpa sanga pe maradopkon langit bope tu tano on sanga maradopkon bagi aha pe tehe. Dok sajo ma “Olo” muda olo, jana “Nada” muda nada, anso ulang didabu Debata uhuman tu ho.

1 PETRUS 4:8

Tapi na umporlu sian sasudena i, marsihaholongan ma hamu sama hamu, angke muda marsihaholongan hamu gabe bahat ma dosa disesa.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.

3 JOHANNES 1:1

Sian Sintua tu si Gayus na nihaholongan, na huhaholongi di bagasan hasintongan i.

HALUMBAAN 2:9

Huboto do hasusaanmunu; na pogos do hamu – tapi anggo satutuna na mora do hamu! Huboto do angka adu-aduan na nituhaskon ni angka na manggoari dirina halak Jahudi, hape nian nada tutu; parlagutan ni sibolis do halahi!