3 JOHANNES 1:10 - BIBEL JAMITA NA DENGGAN

¹⁰ Muda ro au bagi na andigan, hataanku do taringot tu pambaenannia, i ma taringot tu angka pangalaho na jat dohot gabus na nihatahonnia taringot tu hami! Tapi nada tuk dope i disia. Dompak na ro angka dongan Kristen i, nada ra ia manjagitsa. Diantahi ia muse dope halak na ra manjagit angka dongan i jana disuru ia anso morot halahi sian parlagutan i.

3 JOHANNES 1:10 ပူးပေါင်းရင်းမြစ်များ

PODA 10:10

Sanga ise na mangkidopkon mata, patubu hasusaan; sanga ise na oto manghatai, angkon madabu.

PODA 10:8

Diparrohahon na malo do hata sipaingot, tapi giot madabu do anggo halak na oto mangkobar.

JESAYA 66:5

Tangihon hamu ma sanga aha na nidok ni Tuhan, hamu ale angka na mabiar dohot na burju mangoloi Ia, “Dibaen setia do hamu tu Au, gabe sihagigian ma hamu di deba sian bangsomunu sandiri jana nada ra halahi margaul dohot hamu. Pacia-ciaon ni halahi ma hamu mandok, ‘Sai dipatidahon Tuhan nian hagodanganNia jana dipalua hamu anso tarbaen hami dohot marnida hamu marjop ni roha.’ Tapi halahi sandiri do nian na giot pailaon.

LUKAS 6:22

Martua ma hamu muda goyak roha ni halak mida hamu jana nada dijagit hamu, boti dipalayas-layas jana didok halak na jahat hamu, hara ni Anak Ni Jolma i!

JOHANNES 9:22

Hara ni na mabiar do simatobang ni bayo i mida angka parkuaso ni halak Jahudi i umbaen na songon i didok halahi; harana madung putus tahi ni angka parkuaso ni Jahudi i, pakaruaron ma sian bagas paribadatan sanga ise na mangoku Ia Kristus i.

BAENON NI ANGKA RASUL 1:15

Disada hatiha marlagut ma halahi, – hira-hira saratus dua pulu halak ma na ro i – jongjong ma si Petrus mandok hata. Ning ia ma,

2 KORINTUS 13:2

Madung hupaingot hian sanga ise di hatiha na salpu na mambaen dosa bope sude angka na asing i, i ma di na padua-nolihon ro au mandapotkon hamu. Saonnari dompak padao-dao au sian hamu, hupaingot hamu mangulahi, muda ro au mangulahi sahalak pe nada adong na so hona uhum sian halahi.

GALATIA 6:10

Jadi salolot adong dope hatiha di hita, angkon sangahononta do mambaen na denggan tu sude halak, lumobi tu angka donganta sahaporsayaan.

1 TIMOTEUS 5:13

Boti muse hum pasude-sude hatiha noma i, puas-pais halahi manaek mijur tu bagas ni halak, jana na jumatjat dope, marsiajar disi ma halahi pahata-hata halak dohot na mangantoi karejo ni halak dohot na mangkata-hatai na so sihataan.

2 JOHANNES 1:10

Hara ni i, muda adong halak na ro jana manjamitahon tu hamu pangajaran na so niajarkon ni Kristus, ulang ma jagit hamu halakna i di bagasmunu; jana ulang dok hamu “Horas” tu halahi.

2 JOHANNES 1:12

Bahat sajo do nian na giot pajojoronku tu hamu, tapi huhilala dumenggan ma ulang pola markite-hite surat. Arop do rohangku tarbaen au manopot hamu jana mandok hata au sandiri tu hamu anso tutu situtu marjop ni roha hita.

3 JOHANNES 1:3

Jop sajo do rohangku di parlalu ni angka deba dongan na paboahon taringot tu ngolumunu na tongtong di bagasan hasintongan, jana tutu do ho sai mardalan di bagasan hasintongan.

3 JOHANNES 1:5

Ale dongan na huhaholongi! Na burju do ho di pambaenanmu na nibaenmi tu angka dongan dohot tu angka halak na asing.