2 TIMOTEUS 4:4 - BIBEL JAMITA NA DENGGAN

⁴ Dipahusor halahi do pinggol ni halahi sian na sintong, tapi patinggilon ni halahi do i tu angka turiturian na so tutu.

2 TIMOTEUS 4:4 ပူးပေါင်းရင်းမြစ်များ

PODA 1:32

Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.

JESAYA 30:10

Didok halahi do tu angka panurirang, “Pasip! Ulang paboa tu hami na tutu. Na tabo begeonnami ma dok. Padiar ma hami marangan-angan.

ZAKARIA 7:11

Tapi nada diantureskon halahi jana mangalo, jana dipaingol do pinggolna anso ulang marbinege.

MATEUS 13:15

Harana, ma jogal roha ni halak on, ma gabe maingol pinggol ni halahi, dipapitpit halahi muse do mata ni halahi. Tarjadi pe i anso unang marnida do mata ni halahi, jana anso ulang marbinege pinggol ni halahi, jana anso ulang mangastui roha ni halahi, anso ulang ro halahi tu Au, jana gabe pamalumonKu ma halahi.’ ”

BAENON NI ANGKA RASUL 7:57

Disumpol angka halak na marrapot i ma pinggolna be, marsurahi ma halahi jana tompu ma halahi rap mangarongomi si Stefanus.

2 TESSALONIKA 2:11

Hara ni i ma umbaen na niparo ni Debata tu halahi sada hagogoon laho paliluhon halahi, lopus porsaya halahi di gabus i.

1 TIMOTEUS 1:4

Paingot ma halahi, anso ulang sai kehe be roha ni halahi tu angka turi-turian bope angka barita ni asal mula na so marnasidung. Hum parohon partangkangan sajo do i jana nada mambaen maju sangkap ni Debata na bisa taboto hum sian haporsayaan sajo.

1 TIMOTEUS 4:7

Padao ma ho sian angka turi-turian na so ture. Gumonan ma pasomal-somal dirimu marhadaulaton tu Debata.

1 TIMOTEUS 6:20

Sasude pos ni roha na nilehen di ho, denggan ma jagohon i sude Timoteus! Padao ma ho sian angka pangkataion na so marguna. Laing padao ma ho sian partangkangan taringot tu angka pangalaho na didok roha ni halak “Parbinotoan,” hape sian dalan na lilu.

2 TIMOTEUS 1:15

Diboto ho do na dung morot sude halak na di Luat Asia manadingkon au, dohot ma disi si Pigelus dohot si Hermogenes.

TITUS 1:14

jana anso ulang marguru tu angka turiturian ni halak Jahudi dohot tu angka aturan na nibaen ni halak na marbalik sian hasintongan i.

IBRANI 13:25

Asi ni roha ma mandongani hamu sude.

2 PETRUS 1:16

Di na hami patorang sanga songon dia hasangapan ni Tuhanta Jesus Kristus di haroroNia tu hamu, nada sian turi-turian na dibaen ni jolma hami baen hatorangan i. Na dung hami ida do dohot matanami sandiri hasangapan ni Kristus i.