2 TIMOTEUS 4:20 - BIBEL JAMITA NA DENGGAN

²⁰ Tading do si Erastus di Korintus jana si Tropinus hutadingkon do marnyae-nyae di Miletus.

2 TIMOTEUS 4:20 ပူးပေါင်းရင်းမြစ်များ

BAENON NI ANGKA RASUL 18:1

Dung i kehe ma si Paulus sian Atena, lalu ma ia tu Korintus.

BAENON NI ANGKA RASUL 18:8

Nian anggo si Krispus, i ma kapala ni bagas paribadatan i dohot sude halahi na sabagas, porsaya do tu Tuhan Jesus. Jana miduk do sian halak Korintus na umbege jamita i laing porsaya jana lalu tardidi.

BAENON NI ANGKA RASUL 19:22

Jadi disuru ia ma dua halak angka dongannia i tu Makedonia, i ma si Timoteus dohot si Erastus, tapi anggo ia sandiri laing tinggal dope santongkin nari di Asia.

BAENON NI ANGKA RASUL 20:15

Sian i laing torus ma hami marlayar, ancogotna i lalu ma hami ditontang ni Kios. Haduanna i lalu muse ma hami di Samos, sadari nari sian i lalu ma hami tu Miletus.

BAENON NI ANGKA RASUL 20:17

Ditonahon si Paulus ma sian Miletus anso marroan jolo angka pangituai ni parlagutan na di Epesus marsuo dohot ia.

BAENON NI ANGKA RASUL 20:4

Rap ma si Sopater anak ni si Pirus halak Berea i dohot ia; songon i muse ma si Aristarkus dohot si Sekundus halak Tessalonika dohot si Gayus halak Derbe. Dohot si Timoteus, si Tikikus dohot si Tropimus halak na sian Asia i.

BAENON NI ANGKA RASUL 21:29

Hum hara ni na niida ni halahi do si Tropimus halak Epesus i rap dohot si Paulus di pasar; ning roha ni halahi na dung nioban ni si Paulus ia masuk tu bagasan Bagas Ni Debata i.)

SURAT NI SI PAULUS TU PARLAGUTAN ROM 16:23

Manongos tabe do si Gayus tu hamu angka dongan. Di bagasnia do au manompang jana laing di bagasnia do hami margareja. Si Erastus kapala ni sitiop hepeng ni pamarenta ni kota i pe laing manongos tabe do tu hamu. Songon i si Kuartus donganta i. [