2 TIMOTEUS 4:2 - BIBEL JAMITA NA DENGGAN

² Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.

2 TIMOTEUS 4:2 ပူးပေါင်းရင်းမြစ်များ

MASMUR 40:9

Di parpunguan ni bangsoMu hupajojor-jojor do jamita na denggan salaho tu haluaan na nilehenMu. Nada marnamantak i hupabotohon, diboto Ho do i sudena da Tuhan.

JUNUS 3:2

Didok Ia ma, “Kehe ma ho tu Ninive, kota na godang i, jana palalu ma tu pangisi ni kota i tona na Hulehen tu ho.”

LUKAS 7:23

Jana martua ma halak na so marganggu ni roha marnida Au!”

LUKAS 7:4

Ro ma halahi tu Jesus, gomos ma dipangido halahi pangurupion sian Ia, ninna ma, “Tama do urupanMu ia,

LUKAS 9:60

Dialusi Jesus ma, “Padiar ma halak na mate mananom na matena sandiri. Tapi anggo ho, kehe ma ho pararatkon Harajaan Ni Debata.”

BAENON NI ANGKA RASUL 13:5

Dung lalu di Salamis, dijamitahon halahi ma hata ni Debata di angka bagas paribadatan ni halak Jahudi. Diurupi si Johannes Markus ma halahi di pardalanan i.

BAENON NI ANGKA RASUL 16:13

Hatiha Ari Sabat kehe ma hami tu topi ni batang aek na di ruar ni horbangan ni kota i, angke disi do ninna rohanami inganan parsumbayangan ni halak Jahudi. Jadi hami pajuguk ma disi mangkata-hatai rap dohot angka dadaboru na dung marlagut hian disi.

BAENON NI ANGKA RASUL 20:7

Di ari na parjolo ni minggu i, dompak marlagut hami giot mamonggoli roti, mangkatai ma si Paulus tu angka dongan na disi, harana marsangkap do ia laho kehe ancogotna i. Lopus tonga borngin laing didatdati si Paulus dope na mangkobari i.

BAENON NI ANGKA RASUL 28:16

Dung lalu di Rom, dipatola do si Paulus maringanan sandiri, tapi laing adong do sahalak parajurit manjagoi ia.

SURAT NI SI PAULUS TU PARLAGUTAN ROM 10:15

Tapi songon dia ma he halahi manjamitahon, muda nada disuru? Songon na tarsurat i, “Denggan na i haroro ni sioban Barita Na Denggan i!”

SURAT NI SI PAULUS TU PARLAGUTAN ROM 12:12

Jop ma rohamunu mararop roha tu Tuhan i, sobar ma hamu muda ro hasusaan, jana haburjuhon hamu ma na martangiang.

GALATIA 6:6

Sanga ise na manjagit pangajaran sian Hata i angkon bagionna do tu guruna sandok na denggan na adong disia.

KOLOSSE 1:25

Debata do marsuru au gabe pangoloi di parlagutan i laho manyarihon hamu. Angkon pabolkasonku do sudena barita na sian Debata;

KOLOSSE 4:3

Laing tangiangkon hamu ma hami anso dilehen Debata di hami hatiha na denggan laho pararatkon rahasia na sian Debata taringot tu Kristus i. Angke hara ni i do umbaen na pola tarhurung au saonnari.

1 TESSALONIKA 1:6

Madung gabe ditiru hamu tiruannami dohot tiruan ni Tuhan i. Haru pe markancit situtu hamu, laing dijagit hamu do hata i mardongan jop ni roha. Tondi Parbadia do na mangalehen jop ni rohamunu i.

1 TESSALONIKA 5:14

Laing hami pangido dope, hamu ale angka dongan, anso gorahon hamu angka halak na so maraturan. Apoi hamu ma angka na menek roha; urupi hamu ma angka na gale jana sobar ma hamu maradopkon halak sudena.

1 TESSALONIKA 5:20

Ulang nayang rohamunu di angka panyurirangon,

1 TIMOTEUS 4:13

Jadi laing haburjuhon ma manyise Buku Na Badia i tu halak, dohot manyosoi bope mangajari halahi lopus ro au.

1 TIMOTEUS 5:20

Sanga ise na mardosa, angkon paingoton do di jolo ni sude parlagutan i anso mabiar na asing i.

2 TIMOTEUS 2:21

Sanga ise halak na paias dirina sian sude na jahat, i ma na nipake songon parkokas tu pangalaho na marsangap. Gabe nampuna hapunjungan jana na hasaya ma ia di tuanna. Na diparade hian do halak na songon i sipakeon tu angka ragam ni karejo na denggan.

2 TIMOTEUS 2:25

Angkon ajaranna halak na sai mangalo mardongan halambohon; ibo nian roha ni Tuhan, sai dilehen ma di halak na songon i hatiha na denggan paubahon rohana sian angka dosa ni halahi dohot mananda pangajaran na tutu.

2 TIMOTEUS 3:10

Tapi madung diihutkon ho angka pangajaran na sian au, parangengku dohot tujuan ni ngolungku. Madung diida ho sandiri haporsayaanku, hasobaronku, holong ni rohangku dohot pohom ni rohangku.

TITUS 1:13

Tutu do hasaksian on. Hara ni i ma umbaen na angkon paingotonmu halahi, anso sai porsaya halahi di bagasan dalan na tigor;

TITUS 2:15

Ajarkon ma sudena i, jana paingot ma halahi jana gorahon ma angka na umbege jamitamu sian sude gogomu. Ulang ma adong na marlayas ni roha tu ho.

IBRANI 13:22

Hupaingot ma hamu ale dongan, jagit hamu ma hata sipaingot i, angke saotik do isi ni suratkon tu hamu.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.