2 TIMOTEUS 4:18 - BIBEL JAMITA NA DENGGAN

¹⁸ Sai paluaon ni Tuhan Jesus do au tongtong sian sude usaho na jat maradopkon au. BoanonNia do au lopus tu bagasan HarajaanNia di banua ginjang. Sipasangapon do Ia salolot-lolotna! Amen.

2 TIMOTEUS 4:18 ပူးပေါင်းရင်းမြစ်များ

PAMUNGKAAN 48:16

Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”

1 JUJUR TAON 4:10

Tapi martangiang ma si Jabes tu Debata na nisomba ni halak Israel, ning ia ma, “O Debata, pasupasu ma au jana sugari pabidang ma nian luat di au. Jagohon ma au jana padao ma parmaraan anso ulang marhancit au.” Jana tulus do tangiangnia i dibaen Debata.

MASMUR 121:7

Jagohonon ni Tuhan ma ho sian parmaraan, jagohononNia do ho anso marhasonangan.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

MASMUR 73:24

Ditogu Ho do au marhite sipaingot, jana giot lehenonMu hatuaan di au sogot.

MASMUR 92:10

Dibaen Ho gogongku songon gogo ni lombu jonggi, jana dipasupasuhon Ho tu au hatuaan.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

MATEUS 13:43

Tapi anggo halak na patuluskon na nipangido ni roha ni Debata, marsinondang ma halahi songon mataniari di bagasan Harajaan Ni Ama ni halahi. Sanga ise na marpinggol ditangihon ia ma!”

MATEUS 25:34

Dung i dohonon ni Raja i ma hata tu angka na di siamunNia i, ‘Ro ma hamu angka na nipasupasu ni Damang. Masuk ma hamu tu bagasan harajaan na dung diparade di hamu mamungka sian na manompa portibi on.

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

LUKAS 11:4

Sesa ma angka dosanami, songon hami manyesa dosa ni sude na marsala di hami. Ulang pamasuk hami tu bagasan pandugaan.’ ”

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

LUKAS 22:29

Songon dia pangalehen ni Damang di Au kuaso laho mamarenta, laing songon i ma Hulehen kuaso di hamu laho mamarenta.

JOHANNES 17:15

Nada Hupangido anso diparuar Damang halahi sian portibi on tapi on do na Hupangido, anso dijagohon Damang halahi maradopkon si Jahat i.

SURAT NI SI PAULUS TU PARLAGUTAN ROM 11:36

Angke sian Ia, jana markite-hite Ia, jana tuSia do sudena na adong. DiSia ma hasangapan ro di salolot ni lolotna! Amen.

SURAT NI SI PAULUS TU PARLAGUTAN ROM 16:27

Hum sasada Ia sajo do Debata na sun pistar. Sai marsangap situtu ma Ia salolot-lolotna markite-hite Jesus Kristus i! Amen.

1 KORINTUS 1:21

Harana sanga na bia pe malo ni jolma, nada tartandasa Debata markite-hite hamaloanna i sandiri. Tapi hape, hara ni hamaloan ni Debata, gabe jop ma rohaNia paluahon angka na porsaya tuSia markite-hite jamita na nietong ni portibi on songon haotoan.

1 KORINTUS 10:13

Sanga aha pe cobaan na nibolusmunu, cobaan na somal dialami jolma dope i. Tapi anggo Debata burju do marningot janjiNa. Nada pola dipadiar Ia hamu dicoba lobi sian na tolap gogomunu. Muda hatiha ro cobaan tu hamu, lehenonNia do dalan di hamu anso tahan hamu manaon cobaan i.

1 KORINTUS 15:50

Na hudok disi hamu angka dongan, on do: Anggo pamatang na dijadihon sian sibuk dohot sian mudar, nada tarbaen gabe parsidohot di Harajaan Ni Debata; pamatang na ra mate pe nada tarbaen gabe pamatang na manongtong.

2 KORINTUS 1:10

Ia do na palua hami sian parmaraan godang na giot mamatehon i. Jana laing paluaonNia do hami tu angka ari na giot ro, angke tuSia do hami mararop ni roha.

GALATIA 1:5

Hamuliaon ma di Debata salolot ni lolotna! Amen.

1 TESSALONIKA 5:23

Debata pardame i ma paiaskon hamu sasudena, dipaburju Ia ma hamu anso hum tuSia sajo ngolumunu. Sai dijagohon Debata ma nian hamu sudena, di tondi, di roha bope pamatangmunu, anso ulang targora lopus tu ari haroro ni Tuhanta Jesus Kristus mangulahi.

2 TESSALONIKA 3:3

Tapi haposan do anggo Tuhan i. PatoguonNia do hamu jana jagohononNa sian na jahat.

1 TIMOTEUS 1:17

Debata do Raja ni sude hatiha, patut nipasangap jana pujion tongtong, angke Ia do na manongtong, na so tarida jana sasadaSa! Amen.

1 TIMOTEUS 6:16

Hum Ia sajo do na so tarkuasoi hamatean; di bagasan sinondang na so hadonohan sanga ise pe. Nada adong sahalak jolma pe na jungada marnida Ia, sanga na tarbaen marnida Ia. Angkon lehenon ma nian tuSia sangap dohot kuaso salolot-lolotna! Amen.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

2 TIMOTEUS 4:1

Ro dope Kristus Jesus tu tano on manguhumi angka jolma na mangolu dohot na mate; jana ro ma Ia mamarenta songon Raja. Jadi hara ni i gomos ma pangidoanku tu ho, di jolo ni Debata dohot Kristus Jesus:

IBRANI 11:16

Hape anggo saonnari, luat na dumenggan do na nijalahan ni halahi, i ma banua ginjang. Hara ni i ma umbaen na so pola ila roha ni Debata nigoaran Ia Debata ni halahi, angke madung dipasingkop Debata sada kota di halahi.

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

IBRANI 13:21

Sai dipasingkop Debata mual ni hasonangan i ma hamu di sasude na denggan i na porlu di hamu laho patuluskon hagiot ni rohaNia. Sai dibaen Debata ma di hita sanga aha giot ni rohaNia markite-hite Jesus Kristus. Tarpuji ma Jesus salolot-lolotna! Amen.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

1 PETRUS 5:11

Ia do na markuaso salolot ni lolotna! Amen.

2 PETRUS 1:11

Jadi muda songon i, lehenonNa ma di hamu hak na gok anso gabe anggota ni Harajaan Na Manongtong, i ma Harajaan Ni Tuhan dohot Sipalua hita, i ma Jesus Kristus na mamarenta salolot ni lolotna.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.

JUDAS 1:1

Sian si Judas naposo ni Jesus Kristus, anggi ni si Jakobus, tu angka halak na tarpio jana na nihaholongan di bagasan Debata Ama, jana na nijagohon ni Jesus Kristus.

1 SAMUEL 17:37

Na dung dipalua Tuhan do au sian singa dohot gompul, laing paluaonNia muse ma au sian halak Pilistin i.” Dung i didok si Saul ma tusia, “Antong denggan, sai didongani Tuhan ma ho nian.”

1 SAMUEL 25:39

Dung tarbege tu si Daud na dung jumolo si Nabal, didok ia ma, “Nipuji ma Tuhan! Madung dibaloskon Ia habilean na nibaen ni si Nabal tu au, jana diantahi Ia naposona on mambaen hajahatan. Madung diuhum Tuhan si Nabal hara ni hajahatannia i.” Dung i disuru si Daud ma suruannia tu si Abigail laho manyapaisa gabe dadaborunia.