2 TIMOTEUS 4:14 - BIBEL JAMITA NA DENGGAN

¹⁴ Si Aleksander tukang tumbaga i, madung bahat dibaen ia na jahat tu au. Baloskonon ni Tuhan ma tusia hombar tu pangalahonia i.

2 TIMOTEUS 4:14 ပူးပေါင်းရင်းမြစ်များ

2 SAMUEL 3:39

Haru pe au on raja na nipili ni Debata, gale do pangkilalaanku sadari on. Makejamtu do angka anak ni si Zeruya on. Inda tuk gogongku mangatasi halahi. Sai Tuhan ma na manguhumi angka parjahat on, marguru tu pambaenan ni halahi i!”

MASMUR 28:4

Baloskon ma tu halahi hombar tu pambaenanna, jana satimpal tu hajahatanna.

MASMUR 62:12

jana anggo holong ni rohaNia manongtong do sapanjangna. Ho do mamalos ale Tuhan tu ganop halak marguru tu pangalahona.

JEREMIA 15:15

Dung i hudok ma, “Diboto Ho do ale Tuhan. Ingot ma au jana urupi. Baloskon ma tu halahi na manyosak au. Ulang mabahattu sobarMu maradopkon halahi gabe sanga lalu dibunu halahi au. Ingot ma antong, hara ni Ho do da umbaen na marlayas au.

ANDUNG 3:64

Uhumi ma halahi, ale Tuhan, hombar tu parbuatanna.

SURAT NI SI PAULUS TU PARLAGUTAN ROM 12:19

Hamu ale angka dongan na nihaholongan! Ulang ma hamu sandiri na mambaen pambaloson, tapi lehen ma inganan tu hamumuruk ni Debata. Angke tarsurat do, “Au do mambaen pambaloson,” ninna Tuhan.

SURAT NI SI PAULUS TU PARLAGUTAN ROM 2:6

Harana baloskononNia do tu sude halak hombar tu pambaenanna be.

2 TESSALONIKA 1:6

Patupaon ni Debata do angka pangalaho na tigor. BaloskononNia ma sitaonon tu halak na mambaen sitaonon tu hamu.

1 TIMOTEUS 1:20

I ma songon si Himeneus dohot si Aleksander. Ma hupasahat halahi na dua tu Sibolis, anso jora halahi mangincahi.

2 TIMOTEUS 4:15

Ho pe angkon manat do ho tu bayo i, angke manggogo situtu do ia mangalo jamitanta.

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HALUMBAAN 18:6

Baen hamu ma tusia balos ni na nibaennia i tu hamu; dua noli lompit baloskon hamu sandok na nibaennia. Isi hamu ma mangkukna i dohot siinumon na dua noli lompit korasna sian siinumon na niparade di hamu.

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”

1 SAMUEL 24:12

Ligi ma amang, ligi ma gotap-gotap ni baju ni raja i na hutiop on! Satutuna tarbunu au do nian raja i, tapi hum na saotik on sajo do hugotap. Jadi torang do na so adong rohangku mambaen na jahat sanga na giot mangago. Hape diayak-ayak raja do au haru pe nian na so adong saotik pe salangku maradopkon raja i.